صباح \مساء الورد لاهله
هذا اول موضوع انزله وأتمنى منكم التفاعل معاي (مسلسل أسوار) وما أدراك ما أسوار والتهجم على المجتمع السعودي المستمر من حسن عسيري واعتباره بان محافظته على دينه بأنه مجتمع معقد
كيف يعقل بان فتاه تتزوج غصب (هيفاء حسين)هذا كان أول أما الآن فحص ما قبل الزواج ما ينعمل ألا بموافقتها وكيف يمكن لشخص معقد مثل حسن عسيري وهو من أهل الجنوب (بدون تعميم للاغلبيه) يصف بان هذا هو المجتمع السعودي بأكمله وهو لم يخصص منطقه بعينها
نعرف أن المجتمع السعودي ينقسم إلى نجد والجنوب والحجاز والشمال والشرقية و للأسف لم يمثل ألا أراء أهل الجنوب والحجاز مثل شخصية ريم اللي كانت تقول أنها ماتحب القيود والأسوار التي يضعها المجتمع أي قيود هذي اللي تتكلم عنها ؟هي تقصد محافظتنا على تقاليدنا الاسلاميه وكيف تتهجم على ديننا وتصفه بأنه المعقد، وكيف ان (زهور حسين) لانها ماتبغى الجنين تشرب خل تفاح وتدخن وتنط؟هذا العمل يعلم الناس على أشياء محرمه لان حرام تقتلين نفس ،وشخصية ميساء واخو زوجها (اخو زوج ميساء مغربي) من خلال جلستي مع اهل الجنوب أرى كل أفكار حسن عسيري فيهم وهذا كله من كلامهم حيث ينتشر السحر واكل الأموال بالباطل ( شخصية مشعل المطيري وزوجته)وعدم احترام الأهل
أنا ماابغى أهل الجنوب يحقدون علي لكني عاشرت الكثير ولم أجد أفكار حسن عسيري ألا عندهم أما في منطقتنا لاتوجد ولله الحمد هذه الأفكار
حسن عسيري لايمثل الا رأيه بالمراه والمجتمع وللأسف أذا وجد كتاب سعوديين مثله وللاسف لم يصور ألا أفكاره المتخلفة واللي مايصدقني يدخل يوتيوب ويشوف
اتمنى التفاعل معي ولاتزعلون يا اهل الجنوب
واتمنى الردود الجميله التي نستفيد منها
انا الحين ما ادري وش دخل اهل الجنوب با المسلسل
انا راح افترض انك من نجد يعني تبين تفهميني ان اهل نجد مجتمع محافظ على دينه وان اهل الجنوب مجتمع متخلف
وان فكر حسن العسيري يعبر عن رأى اهل الجنوب
شوفي انا راح اتكلم من واقع انا عشته انا ولدت وعشت في الرياض يعني كل صديقاتي من بنات نجد والله شوفي انا احلف ان ما التخلف الا عندهم وافكارهم يحرمون الي يبونه ويحللون الي يبونه
اما احنى يا اهل الجنوب فا والله لو حاولتي تسويين احصائيه بسيطه على الي ما سكين اكبر الوظائف العاليه في الدوله والله لا تلاقين ان نسبة 80 %من اهل الجنوب الي انتي تقولين انهم مجتمع متخلف
وغير كذا اقولها وانا كلي فخر اني من اهل الجنوب
لو سمحتي خلي العصبيه القبليه على جنب لانها من علامات تحجر العقل والتخلف والاهم من عادات الجاهليه
فا الرجاء ان ترتقي في مستوى تفكيرك واسلوبك في الكتابه
موضوع يستحق النقاش ولكنه جريء لأبعد درجة وحسن عسيري ماينتقد الجنوب بالذات ينتقد أغلب القبائل السعودية خلينا نكون صريحين
يعني وش الفرق بين عادات الجنوب وعادات الشمال وغيرها,الفرق انه في الحجاز متفتحين لبعد درجة من الثقافات الخارجية وتجمع جميع الجنسيات في الحرمين,
اما اغلب القبائل تتفق على أشياء كثير
سلطان الدغيلبي ابو زقم الداعية المعروف أظنه من اهل نجد او الشرقية يتحدث ويقول عندنا عادات (يامناحي ماتتزوج الا بنت عمك وامه تقول يامناحي ماتتزوج الا بنت خالتك وهكذا
اكرر حسن عسيري والقصبي والسدحان عندما يمثلون لايقصدون قبيلة بعينها الا عندما يتحدثون بلهجتهم اما لوكانت اللهجة عامية فثق تماما انهم يقصدون القبائل السعودية بأكملها,
ولو بحثنا بنتعب على سبيل المثال (اطلع مع تاكسي في الرياض يكون صاحبه هندي أو باكستاني وشوف الفضايح اللي يقولها لك)وكمله هذا من ايش جاء من قلة التربية ومن عدم الاهتمام على عكس مثلا القصيم والجنوب والشمال محافظين على بناتهم,وفي جدة تلقى الخراب واصل بسبب العمالة الاجنبية المنتشرة ووووو
س/ماهو الشيء الذي يتحدث عنه حسن عسيري بالضبط ولايوجد عندكم في قبيلتكم؟ارجو التحديد
بعدين لازم نترك العصبية القبلية على جنب جميعنا من اليمن والعرب اصلهم من اليمن ولو بحثت عن الاصول لوجدت العجائب فلنتركها ونبحث عن ماينفع ديننا ودنيانا
لك تحيتي
المواضيع المتشابهه 
alhaloh 
العرض المتطور
