السلام عليكم
امس بعد صلاة العصر, كنت متمدد على رمال شاطيء البحر ومروق على الآخر
بطبعي احب لحظات الغروب والاختلاء بالنفس على صوت الامواج ..
جاتني ذيك العجوز شايلة عصى على كتفها , مربوط فيها سلتين مما لذ وطاب من الفواكه
وقفت قدامي ونزلت الحمل عن كتفها
قلت في خاطري جيتي والله جابك
وش هذا ؟ ووش هذا ؟ ووش هذا ؟
شيء اعرفه وشيء اول مرة اشوفه بحياتي
اذا كان معها عشرين نوع شوي !
حاطتها بصحون بلاستك مقطعة جاهزة للتقديم , ومغلفة بطريقة مغرية وجذابة
قلت عطيني من هذا وهذا وهذا وهذا , اخترت ستة انواع !
ما اعرف منها إلا المنقا والاناناس
حاسبتها وعطيتها زيادة بحكم سنها وتعبها وثقل حملها , وقبل ما تمشي طلعت مناديل واعواد وحطتها على الطاولة قدامي
كأنها تعرف اني اخو بدوة بمطخ بالخمس !!
سميت بالله وبديت امزمز
اغرس الاعواد بالفاكهة واتذوق صحن صحن ..
حتى استقر بي المقام على طعم المنقا ! وياعيني على المنقا الطازة
يحلفون ماخليت منه شيء
مع الانسجام والتلذذ بالطعم والجو الشاعري والنسيم العليل
مدري وش اللي خلاني اتذكر السوق
بالعادة اذا اسفهليت وسافرت انسى السوق واللي خلفوه وكل مشاغل الدنيا
طالعت الساعة
وحسبت فارق التوقيت
قلت يابو يزيد مابدهااااش , ارفع السماعة واتصل بالبنك
منت خسران شيء , اشتر شوي ويمديك تعدل بالراحة لو نزل السعر لاقدر الله
اذكر باقي دريهمات بالمحفظة من فترة
الووووووووه
ويرد علي ابو خلود لاخلا ولاعدم
سمعت صوته وانشرح صدري وتفائلت !
سبب التفائل اني معه بإذن الله اكسب دايم
عكس الحريم , ماعمري شريت معهم إلا تعلقت بكراعيني !
منحوسااات من عرفتهم وقشران :hawamer3112
ماودي اظلمهم
الظليمة شينة
مدري السبب نحس بالفعل , ولا لاسمعت صوت الدلع والحنان قمت اهابد بالمشترى على غير سنع :hawamer1712
سئلته اول شيء عن سعر سهم محدد
يعتبر عند الفاهمين المتمكنين بالسوق اشارة بالدخول او الخروج
مايعرفه إلا... خبير بالسوق متمكن بقوة !!!
على فكرة يعتبر سر خطير للغاية
نادر جداً جداً جداً ان يعرفه احد من المتداولين
للتوضيح اكثر
مايعرفة إلا بعض اللي اكثر وقته بالمدرجات
ويتابع السوق كشخص لا له بالعير ولا النفير
قلت كم سعر الشركة الفلانية ؟ والفلانية ؟ والفلانية ؟ والفلانية ؟
عطاني الاسعار وسعر الطلب والعرض
قلت اطلب عدد اسهم بالثلاث الاولى وعدد اسهم اكثر بالشركة الاخيرة لأن سعرها رخيص
وكلهم بنقص 1% عن سعرهم !!
قال لازم تحدد
قلت حددت بنقص 1%
قال لازم تقول بكم بالضبط
يا والله الورطة
ياخي قلت لك بنقص 1%
قال يابو يزيد المكالمة مسجلة , ولازم تحدد السعر بالضبط اللي تبيه
قلت طيب احسبها انت وعلمني
لأن ماعندي كلكليتر
حسبها وقلت اوكيه اطلب يامال الغنيمة
قبل ماسكر الخط
قال شكلك ماتبي تشتري
قلت ليه ؟
قال سعرك نازل مرة , وما اعتقد يعطيك
قلت فلوسي عندي واسهمهم عندهم
بيعطوني ولا بالطقاق يطق وجيهم :hawamer1812
ماني حريص يابو خلود
سكرت الخط وكملت جلستي حتى غربت الشمس
رجعت للفندق بعدها , وخذيت دش وصليت ثم نمت
اول ماصحيت قبل شوي شيكت على الجوال
لقيت رسالتين
بالتنفيذ على شركتين !
معقول نفذ بناقص 1% :hawamer4112
الصراحة انخضيت بجد , توقعت السوق نازل 100 نقطة
دخلت موقع ارقام بشوف واتأكد
لأن موقع تداول مايفتح بدول شرق آسيا كلها
كان تركيزي على الشركتين دون سواها
حسبت الفرق بين مشتراي والاغلاق
لقيت نفسي خسران 2900 تقريباً
بعدها دخلت موقع البنك
والمفاجأة السارة , غير المتوقعة اطلاقاً
كسبان 27000 الف ريال تقريباَ !!
اثاريه منفذ على شركة ثالثة وما وصلتني رسالة جوال !!
ليش ؟ مدري !
يمكن تاهت بالطريق !
نزل وعطاني ثم طلع
والشركة الرابعة باقي بين سعري اللي حطيته وسعرها الحالي ربع ريال
ختاماً
بالفعل لاقام حظك باعلك واشترالك
المواضيع المتشابهه 
لاقام حظك باعلك واشترالك 
العرض الشجري
