منتديات شمس الحب - موقف حصل لصديقي في هايبر بنده مع محاسبة ..ينبغي الحذر

السلام عليكم ورحمة الله وبركاته

هذا الموقف ذكره صديقي اليوم والله يشهد

يقول:

رحت لأسواق هايبر بندة في الدمام -

مع عيالي وبعد ما تقضينا شفت مكان محاسبة (( إمرأة ))فاضي وما عنده أحد

قلت لزوجتي روحي حاسبي هناك عند الحرمة وأعطيتها 1000 ريال

وكنت متوقع الحساب بحدود 600 بالكثير .

ولما حاسبت وخلصت رجعت لي 75 ريال وقلت لها هذا الباقي بس .

قالت : هذا اللي رجعته لي المحاسبة .

قلت لها : وين الفاتورة .

قالت : ما أخذتها .

يقول ..رحت للمحاسبة وقلت لها وين الفاتورة !!

قالت / رميتها ..وكانت متوترة شوي .

قلت لها : إحسبي الأغراض مرة ثانية .

ولما كررت الحساب طلع المبلغ 600 وشوي .

قلت لها : وين الباقي .

وفجأة طلعت باقي الفلوس وكانت حاطتها على جنب في مكان خارج الصندوق .

يقول بعدها قامت تتأسف وتعتذر وإنها غلطت في الحساب .

يقول أخذت الباقي والفاتورة وطلعت !!!!!

قلت له : ليه ما اشتكيتها !!

قال : كسرت خاطري يوم شفت الدمعة بعيونها .

قلت له :

والله ما عندك سالفة وإن سبب المصايب والسرقات اللي مالية البلد الطيبة

الزايدة اللي أقرب للدلاخة منها للطيبة .

وش رأيكم في تصرفه !!