فجر الاربعاء الماضي كنت طالع الساعه 3 الفجر لجزيرة المرجان
وهي جزيره شمال الدمام فيها كورنيش
معي احد اقاربي كان زائر للشرقيه وطلعنا نشوف الامطار الطيبه
واحنا ماشين بالطريق وقفنا عند بوفيه على الطريق قبل جزيرة المرجان
وكان الجو مطر وبارد شفنا شخص يمشي جنب الطريق لابس فانيله بيضاء
وسروال فقط فقط وخشمه الله يكرمكم ماشي من البرد وحافي بدون نعول
رجال كبير بـ حدود 35 سنه ناديناه عند باب البوفيه ويوم شفنا حالته كذا
والله العظيم نزلت جاكيتي ولبسته وسئلته انت وين رايح قال انا رايح لبيتنا
قلت وين بيتكم احنا نوصلك قال في عنك وعنك عن الدمام بحدود40 كيلو
مسك خويي يده نبي نركبه معنا اول شي ونطلب له شي ياكله ونوصله
جانا واحد عبد كلنا عبيدلله قال وش تبون فيه خلوه قلنا تعرفه قال لا ماعرفه
بس انا كنت مراقبه من الكورنيش حتى وصل هنا
قال خويي طيب ليش ماوقفت له وسترته بـ اقل شي جاكيت او شي يلبسه
او مركبه معك وطالب دوريه توديه لبيتهم او توديه لمركز تضفه عن البرد
حتى يجون اهله
قالنا انا في البحث والتحري وهذا شخص مو سكران حتى اطلب له دوريه
قاله خويي خذها كمسلم لاتاخذها كرجل امن يرضيك تراقبه كيلوين والجو مطر
وهذي ملابسه ؟ واذا مو شايف عليه شي ملاحظات امنيه ليش ماسترته
قال مالكم شغل فيه وماهو راكب معكم خلوه انا اطلب دوريه الان تشيله للمركز
طبعا شفناه متعنت وتركنا الولد ونشوفه يمشي وراه بالسياره وقال قبل يمشي
بطلب دوريه قلنا بعد ايش بعد ماطعن البرد في عظامه
الرجل هذا كرجل امن لاهو الي تركنا نكسب اجره ولاهو الي ستر على المسلم
والله العظيم مشينا من البوفيه ونشوفه يمشي وراه بسيارته وحاز في نفسي
ونفس خويي ولازال الجو ماطر ولاكن الله يعطينا على قد نيتنا
قدم سوء النيه على حسنها وهذا الي صاير بشكل كبير لو بتسوي خير
اول ماتقدم لك البشر سوء النيه
المواضيع المتشابهه 
ليش سوء النيه مقدم على حسنها ؟ هذا موقف بسيط 
العرض الشجري
