معلوم انه بعد كل تصحيح يصير تغيير شفتات بين الاسهم والقطاعات ، واللي كان نشيط يرتاح واللي مرتاح يقوم يستلم الرايه
يعني اذا بغوا يرفعونه لازم يحركون شركات معينه ، و يضربون شركات معينه حققت اهدافها و بعضها حقق اهداف خياليه ولازم تصحح و دوام الحال من المحال
اتكلم عن نفسي وقراري و كل حر في قراره وكل عقله في راسه و يعرف خلاصه
سوف اتوجه الى الرموز 2 و 3 و 4
يعني في الاجمال صناعي و اسمنتي و خدمات و عقاري
الله اعلم ان الرمز 8 " التامين " انتهى دوره
الرموز 2 و 3 و 4 اغلبها ماشي في تصحيح من ابريل ، معظمها تحت المتوسطات و لكن اعتقد تصحيحها انتهى و الدور عليها الان هي تطلع و اللي فوق ينزل
احرصوا على اختيار شركات طيبه ماليا ، اللي مثلي ما يفهم في التحليل المالي يشوف الشارت ، و يدور شركات حققت قاع ثم قمه اعلى من القاع ثم قاع اعلى من القاع الاول
هذي راح تكون اسهم نشطه ان شاء الله خلال الاسابيع والاشهر القادمه ، والمضاربه فيها طيبه ، واللبده افضل من المضاربه بكثير
طبعا يوجد استثناءات في كل قطاع و لكن اتكلم عن الصوره العامه
تمنياتي للجميع بالتوفيق والدخول الامن يكون فوق 6800 ان شاء الله
ملاحظه :اللي ما هو مقتنع بكلامي يحفظ الموضوع في المفضله و يناقشني فيه بعد اربعة اشهر اذا الله كتب لنا عمر وعافيه
المواضيع المتشابهه 
تنبيه السوق يبدل شفتات 
العرض الشجري
