السموحة على العنوان ، حسيت إن الكلمة كبيرة والله..
لكن للأسف الواقع مليء بتصرفات تعبر عنها..
قلة أدب ..
إنك تروح للمسجد بملابس رياضة أو قميص نوم بينما تروح لربعك بثوب مكوي وعطر يشق الخشم !!!
قلة أدب ..
أنك تحصل واحد يحترم الناس كلها إلا أمه وأبوه تلقاه يكلمهم من طرف خشمه !!!
قلة أدب ..
إنك تتصل على ربعك كل يوم وعادي تقعد معه نصف ساعة أو أكثر ، بينما عمك أو عمتك أو خالك أو خالتك لهم شهور ما سمعوا صوتك !!!
قلة أدب ..
إنك تدور بسيارتك بالساعات وما تخلي شارع ما (شبرته) وحفظته ، وكل هالدوران غالبا لأسباب ( قليلة أدب )،
بينما أهلك لو يبون مشوار ساعة وحدة قلت :
( الليموزينات واجــــــــــــــد )!!!
قلة أدب ..
إذا شفت صديقك في ورطة ولا تساعده !!!
قلة أدب ..
إنك تكون حضرتك جالس في المدرج (تشوف مباراة )
وتسمع الأذان ومن بعدها الإقامة ، وأنت مكانك ، وكأنك
مثبت بمليون مسمار على كرسيك !!!
قلة أدب ..
إن اللاعبين والمطربين يكرمون ويغرقون بالخيرات بينما المشايخ ربك يستر لا ينسجنون !!!
قلة أدب ..
إن الواحد يشتري الأغاني بالشئ الفلاني ، ويسمعها ، بينما مستحيل يشتري شريط إسلامي ولو بخمسة ريال،ولو يهديه واحد شريط إسلامي سجل عليه ( اغآني )!!!
قلة أدب ..
لما تجلس بمكان عام تتقهوى إنت وعيالك .. وتقومون وزبايلكم وراكم .. مع إن صندوق الزبالة حولك !!!
قلة أدب ..
إنك تشتري كل اللي نفسك فيه ، ويوم يجي طاري الحج أو العمرة ، قلت أنا ما عندي فلوس وأنا غير مقتدر ..
قلة أدب ..
إن الوحدة تقعد على التلفون ساعة وتقعد في صلاتها دقيقة!!!
قلة أدب ..
إذا طلعت البنت وهي كاشخة ، وريحة عطرها واصلة آخر الشارع وتقول للشباب لا تلحقوني !!!
(في حديث للرسول _صلى الله عليه وسلم_ فهي زانية)
قلة أدب ..
لما ترفضين شريط اسلامي أو كتيب من أحد الدعاة .. بينما لو أعطاكِ شريطا لمطرب العرب كان ما تدرين شلون تشكرينه !!!
قلة أدب ..
يا بنت يا محترمة.. لما ترفعي صوتك بالسيارة ومع السواق وتضحكين وتقهقهين ، وكأنه محرم لك..
وتفتشين للدكتور، عاااااادي وكأنه من بيئة أهلك !!!
قلة أدب ..
إنك تطولي لسانك على الشغالة .. وهي بسن أمك..
عشان شغلة ممكن تسويها بنفسك..
( ليس منا من لم يوقر كبيرنا )..
قلة أدب ..
إن شريهان تسوي عملية والجرايد والقنوات تسوي مناحة بينما الشيخ السحيباني يقتل ونصف العالم ما دروا !!!
العرض الشجري
