السلام عليكم كيفكم يا اخوااان إن شاء الله انكم بأحسن حآل
حبيت أنزل الموضوع هذا مع خضم المواضيع اللي في القسم الناريه :hawamer1612
وقلت نفرفش شوي :hawamer1312
طول الله اعماركم سالفة حصلت لي على طريق الطايف مشيت من الرياض على 11 بالليل وكنت لحالي
المهم جتني منطقة يجي فيها أنوار عادة تكون مدخل للمحافظات
وليل ولافيه أحد لما دخلت المنطقة المنورة كان فيه راعي كأبرس " ولي حكايات انا مع حقين الكوابرس " المهم راعي الكابرس ss يعني مصيبة ماشاء الله تبارك الله
وقلبي دليلي يالربع التفت عليه وناظرته الا هم" كعبوشة في السيارة " مصطلح كعبوشة يعني متحاشرين في السيارة المهم أن عددهم مايقل عن 5
في لحظة اني التفت عليه وهو جنبي رفع يده ويأشر لي ماعطيته بال لاني عارف انه بيحارش وانا وااحد وهم 5 يعني الله يرضى علي اتحلى بالاخلاق السعودية :hawamer1612
وقاعد وراي يلحم ويكبس علي انا ابرقت لنفسي برقية :hawamer1612
قلت شف ضب عفشك ياولد واقوم احط الجوال والبوك تحت المرتبــه واحشرها والاب توب ورى هذا اللي ابتلشت به لانه فيه ملفات مهمه وفيه اشياء خصوصية والله يستر بستره وهذا ماشغلته الا يتعداني ويهدي علي ويحدني ويسوي لي فيها ، وانا لازلت متحلي بالاخلاق السعودية :hawamer1612
المهم اني دايم في سفراتي افلل في محطة الحجاز اللي قبل التفتيش حق الرياض ولا اعبي الا في ساسكو اللي تبعد تقريباً 340 وهذا خطأ ، اضطريت أوقف عند محطه ساسكو اللي بعد الرياض بـ 340 كيلو تقريباً وهو وراي ووقفت قلت في نفسي أنزل ووراي القدعان أنك مش خايف وأنك وحش ياوحش :hawamer1612
يوم فتحت الباب توني بنزل سكرته :hawamer1612
هههههههههههههههههه
جاء جنبي وفتح القزاز فتحت انا والهندي ياقلبي حق المحطه على هونه يتسحب وانا بقلبي اقول ودي أني ملحم طرمبه بنزين في الشنطه أدور بها واعبي فيها اتوماتيك للحالات الطارئة :hawamer1612
جاء عامل المحطه ويقولي افتح حق التآنكي وانا مو معه انا بالي بهذولي الله يعافيني :hawamer1612
في خضم المعركه فتحت القزاز وقالي راعي الكابرس قدام قدام قدام قلت وش ؟ قالي قدااام قلت وش اللي قدام قال اللي جنبه ياولد ماتفهم قدام قدام قلت خلاص طيب قدام
وانا مادري وش يقصد بس يقولك الرصاصة اللي ماتصيب تدوش :hawamer1612
امحق والله من تطابق :hawamer1312
المهم مالكم بالقصيرة :hawamer1612
عبيت وخلصت وهو عند زاوية نهايه المحطه ينتظرني قمت أدرس الوضع هو معاه كابرس ss يعني يبي لي اعض على لسااني وأدعس علشان اسبقه بس شفت الوضع مايخارج بس قلت مالك الا هي على الاقل تضيع به وأن كانه مايتعدى الـ 180 لان بعض الناس يخاف يمشي على 200 المهم أنه جاء في بالي انه احتمال مايتعدى الـ 180 ولاتسئلوني كيف جاني هذا القرار العنجهي اللي صدر من حضرة جنابي :hawamer1612 لكن جايكم بالعلم الغانم واستعين بالله واعطيهااا :hawamer1612 قولوا لي انتبه بس لاتطير
يوم شفته بدى يغيب الا والله نوره يقرب اثاريه معطيني فرصه :hawamer1612
ويجي من جنبي ويشطفني ويتعداني ويمسك فرامل يبي يوقفني وانا اللي مبتلش واقوم اقصر على المسجل وهو مقصر بس من اللخمه :hawamer1612
ويهدي ويهدي ويهدي وتنزل سرعتي الى حدود 90 وبعدهااا زااد سرررررعته وفكني الله منــه من غير سبب والله لكن الله حماني ، ولاحظت أنه يوم يقولي في المحطه قدام قدام انه مو في وعيه لانه يبين على الشخص اللي صاحي
---
سالفة ثانيه كنت رايح لينبع عن طريق القصيم وقفت عند محطه ملهم تقريباً على 10 بالليل وانا انتظر يعبي انفتح الباب اللي جنبي الراكب واحد فتحه يالربع لو تشوفونه تقولون الشيطآن الرجيم بس ناقصه الشوكه : ابوصفكم شكله وما ازل عليكم
شعر الى كتووفه ومنفش ولابسة نظارات سوداء هذا اللي حاصل نظارات سوداء وليل على طول درسته في مخي قلت هذا معطيها الله لايعوق بشـر ، قالي توصلني قلت وين قال مكان ماتبي ؟ قلت لا اعذرني قفل الباب الله يرضى عليك قالي ابشر ولاتزعل تشرب شيء من البقالة ؟ :hawamer1612 صدقوني هذا اللي قاله في قمة الادب يالربع :hawamer3312
قلت لاتسلم ويسكر الباب بكل حرفنه ياجماعه قاعد اناظر في نفسي وش هالمحترم لكن شكله والله لو تشوفه تقول هذا مخبي سلاحه وحبوبه في شعره :hawamer1612
:hawamer1612
مايُستفاد ولاني ادرس عليكم لكن أنبه لان الواحد يغفل يا اخوان أن الواااحد يحرص على اذكاره ودعاء السفــر لان بعض الاحيان يجي من يتبلاك وبسبب الاذكار الله يصرفه عنك
واسفين على الاطالة والمعذرة للادارة اذا كان موضوع المكان خطآ لكن حبينا ندردش وناخذ سواليف بعض وياليت اللي حصل له موقف يذكر لناا:hawamer1312
المواضيع المتشابهه 
قصصكم في خطوط السفر الله يحييكم 
العرض الشجري
