يقولك سلمك الله هذا كان فيه قرية في مكان ما ،، القرية هذي فيها عدد من المزارع
كل مزرعة من هذي المزارع لها سور كبير وكل مزرعة فيها محاصيل كثيرة
سكان القرية قبل عدة سنوات كانوا كل يوم في هالمزارع ،، كان حديثهم ليل نهار ،، كانوا يبيعون ويشترون في هالمزارع وكانو يربحون ربح غير معقول ابدا ،، وكل يوم كان السكان يبيعون مقتنياتهم الثمينه واغراضهم وبيوتهم وحتى غنمهم ونياقهم ،، الحريم ابتدو يبيعون ذهبهم ،، كل هالشي في سبيل انهم يروحون لهذي المزارع ويربحون فيها ،، حتى انه مابقي شخص على هالقرية الا واشترك في هالمحاصيل الا ما ندر ،، حتى وصلت اسعار الاشتراك في اراضي المحصول اسعار خرافية جدا جدا جدا ،، رغم ان بعض المحاصيل انتاجها سيء جدا وحتى ان فيه بعض المحاصيل تخسر عليها ولاتنتج اصلا.
اصحاب المحاصيل القدامى واللي كانو في هالمحاصيل من زمان بعيد ،، كانت اراضي المحاصيل كلها لهم تقريبا ،، حتى انهم كانو يبيعون الانتاج وياخذون ال وبس ،، وكانت اسعار المحاصيل عليهم بسعر تافه جدا .
لمن حسوا اصحاب المحاصيل الاساسيين ان فيه ناس بدو ينازعونهم بمحاصيلهم ،، رفضوا يبيعون لاحد ،، حتى وصلت الاسعار لمبالغ خرافية ،، وبدا الملاك الاساسيين يبيعون من محاصيلهم لانهم ربحانين الف بالمية من تكلفتها عليهم ،، وكل شوي كانوا يخففون من الكميات اللي عندهم على فترات ،، حتى انهم كانوا يبثون اشاعات لاهل القرية ان المحاصيل هي الطفرة ،، وانهم راح يغتنون ولا احد راح يصير فقير الا اللي مالحق نفسه واشترى شي من هالمحاصيل .
وفي يوم من الايام ،، وبعد انا باع التجار الاساسيين كل ماكان عندهم من محاصيل ،، فقط ابقوا على كميات تعتبر قيمتها لا شي مما ربحوه من سكان القرية ،، بدأت البيوع وكأن الجحيم اشتعل في هذه المزارع ،، حاول الناس انهم يبيعون محاصيلهم ،، لكن من يشتري.؟،، كان الجميع يمتلكون في هذه المزارع ولم يكونوا يملكون المال للشراء اكثر.
استمرت الحالة على ماهي عليه سنوات عدة ،، حتى وصلت الاسعار لارقام ضعيفة جدا جدا ،، سجن من سجن ،، مات من مات ،، خسر الجميع ،، مافيه اي فايدة من هذه المزارع ،، فاقدي الامل باعوا بخسائر كبيرة ،، فيه كثير متمسكين بمحاصيلهم وهم اللي ماكان عليهم ديون ولا اي التزامات مالية ،، حتى ان فيه بعض المحاصيل تقفلت بالشمع الاحمر.
نرجع لتجارنا الاساسيين واللي اكلو الاخضر واليابس ،، واللي يبون يعيدون نفس اللعبة ،، بس فيه عندهم مشكلة كبيرة ،، اللي هي ان سكان القرية تعلموا وعرفوا كيف يبيعون وكيف يشترون ومتى ،، راحوا وسوو دراسة ،، ودرسوا حالات السكان ،، لقوا ان فيه ناس دارسة وعارفة وصارو محترفين ،، وفيه ناس خوافة ومع اي حركة فجائية راح يبيعون لأنهم علموهم ان المال عديل الروح ،، وفيه ناس طماعة ماتقتنع بربح قليل وهالفئة كانت في الغالب سكان جدد للقرية او كانوا صغار وقت طيحة اسعار المحاصيل القديمة.
اتفق التجار على اخراج الكل . وتجميع اراضي المحاصيل بهدوء وبدا التخطيط وكان التالي ،، بالنسبة للناس الدارسة والعارفة فكان عددهم قليل ،، وكانت الخطة انهم يتلاعبون بطريقة البيع والمشترى ،، حتى انهم يوصلون لمرحلة مايدرون كم راح توصل اسعار المحاصيل واخترعوا لهم شي جديد اللي هو انك اذا اشتريت اي شي ونزل لسعر معين انك تبيع اللي عندك وترضى بالخسارة ،، اما بالنسبة للناس الخوافة فكان امرهم بسيط ،، انهم قبل لايكوشون على الكل ،، يضربون اسعار المحاصيل بالارض حتى ان بعضهم يضن ان الامر اللي صار من قبل راح يتكرر ويبيعون كل اللي عندهم لانهم وقتها راح يشوفون كميات كبيرة من اراضي المحاصيل تنباع فيبيع اللي عنده ويقول بلا مزارع بلا بطيخ احط فلوسي بالخزنة ازين.
بقي عندنا الناس الطماعة واللي ماتدري عن مرارة الخسارة القديمة ،، وهالفئة صعبة جدا وكان يبيلها تخطيط وفكر عالي ،، قرر التجار القدامى انهم يركزون على مزرعة من هذي المزارع ،، ينعشون سوق هذي المزرعة ،، المزرعة اصلا فاسدة ،، وماتطلع كثيرة حتى ان بعضها تزرع زرع خبيث بس زينتها كل ارض محصول فيها وكمياتها صغيرة ،، وصاروا يغرون الطماعين فيها حتى ان اغلب الناس بدت تتجه لهذي المزرعة وبدوا يبيعون محاصيلهم الزينة لاجل هالمزرعة وكان هالتخطيط عشان الناس اصلا تتخلى بعد عن محاصيلها القديمة لعيون هالمزرعة وطبعا للحين ماجت صكة ابواب هذي المزرعة وتقفيلها واحراق من فيها ،، وهنا صعب على الطماع انه يبيع بخسارة ويمكن يوصل لحد انه يقول هذي المزرعة من اربح المزارع واكيد انها بتسابق المزارع الثانية وهذا اللي اعتقد انه ماراح يحصل وراح يتعلقون بمحاصيلهم اللي ماتغني من جوع وحتى يمكن مايلقون احد يشتري منهم. .
من بين التخطيط اللي حاصل ،، اختار التجار اثنين من كبار التجار ،، يبيعون في محاصيل انتاجها طيب وزين ،، ويروحون للمزرعة اللي رفعوا اسعار محاصيلها حتى اللي ماكان مقتنع راح يقتنع غصب واللي كان داخله شك يروح عنه الشك
واعتقد ان الوقت اللي احنا فيه هو اخراج الخوافين ،، ولايخلونهم يقربون من المزارع هذي ،، الا عشان يبيعون عليهم بعدين لمن يحسون ان السوق امان خصوصا ان المزرعة الجديدة بدت تهدي شوي.
المواضيع المتشابهه 
حكاية سوق 
العرض الشجري
