منتديات شمس الحب - نصيحة لمن يرغب في شراء المشالح(البشوت)

بالأمس كنت في سوق الزل رايح اشري بشت وبر.. ورحت لم واحد أعرفه.. كان في المحل شاب شكله عريس وجايب له أبو يمن المشلح بعد ما رفعه(خبنه) وجلس يقاوس. عطاه خمسين ريال وقال حطه في علبته وهو فرحان.

لمحت خيط الخبنة.. قلت لليماني:ماشاء الله هذا شغلك..؟!!
رد: الله الله.
قلت: إنت ترفع المشالح مكينة وإلا إبره..؟
قال: لا والله ياعمي بيدي( إبره).
قلت: بس مشلح الرجال خياط مكينة..!!
رد أبويمن ووجهه متغير ومصفر: هو عاوز ... ويبي ياخذني على جنب..!!
رد الشاب وهو فاتح فمه: وش الفرق..؟!!
قلت له الفرق كبير.. هذا أعدم عليك المشلح.
تركتهم وهم يتجالدون.

نصيحة: تأكد إن ترفيع مشلحك شغل يد.. لأن المكينة تعدم الخامة وتاكل قماش.. ولا يلجأ لها إلا العليمية هذه إذا هو رفعه.. لأنه ياخذ منك خمسين ويقول تعال بعد ساعة.. ثم يرميه على باكستاني بعشرين قريب من محله.. ويحط في جيبه ثلاثين.