سأقطع رجليني إن لم تجدوا حلاً لــ( الشطوب فيها )
بسم الله الرحمن الرحيم
السلام عليكم ورحمة الله وبركاته
يا أخواني الكرام :-
هالمرّة أبمثّل عليكم تمثيل ...ولا تواخذوني بالحيل بالحيل ..
الصراحة أنا بلشت بعمري ...
تعرفون الواحد ما يقدر يمشي إلا على رجليه ..!!
وأنا الصراحة قرّرت أمشي على يديني ...!!
تدرون وش السبب ...؟؟؟
عسى الشر بعيد عنكم ..
( شطوب الرجلين ) ..
لو تشوفون رجليني كان قلتوا ...مثل ما قال مدرس الجغرافيا ...
ليت من أخذ رجليك يشرح عليهن وادي الرمّة لطلاب الصف الخامس الإبتدائي ...
عانيت من هالمشكلة كتير كتير ...( هندي على غفلة )
إذا مشيت 200 متر .. لازم أتوقف علشان أطلّع المسامير والعبس والحصى اللي تنشب برجليني ...
وأنا معلم وإذا أحد من الطلاب ما أحضر الواجب ...
ما يحتاج لا عصى ولا مدير ...
أنا ما عندي حيني صيني ..
بس أوريه شطوب رجليني ... ويصير خبر كان وطقّته ...
حتى يا أخوان إني بديت أطلّع رجولي من البطانية لأني بديت من تالي أخاف منهن ..!!!
لا .. وإذا لبست شراب ( جوارب ) أقعد يومين .. علشان أطلّعهن ..
طبعاً دوّرت علاج ...
قالوا لي الديزل وحدة بوحدة ...
قمت وتروشت بالديزل تروّش ..!!! قلت ياعالم يمكن تقضي على الجراثيم ..اللي بالرجلين والكبد والطحال
على قاعدة ( الزود ولا النقص )
ولا فاد ...
قالوا لي ماء البحر ... قلت بالله على البحر ...
فـ رحت وسبحت يوم ونص في الخليج العربي ...إلين وصلت قطر وسلمت على (خالد جاسم ) حق برنامج المجلس وديورت ..
وبرضوا ولا فاد ...!!!
قلت يمكن ينفع الفازالين ...
قمت وفرّغت أربع علب فازلين ..
وغلغلت رجولي إباغات ( بلاستيك ) ...
وصاروا الناس يسمعون حس رجولي من يوم أقبل على حارتنا من عشرين طعش كيلم ...
وبالأخير طلع لي واحد من حارتنا ...وقال :
يا عصيقيل ترى جماعة المسجد فركو ( هربوا ) من ريحة رجليك ...
يا أخواني عجلوا علينا ...
تراي قررت أحط الموضوع هنا يوم الخميس عشان تجي ردودكم بسرعه ويكون نسبة المشاهده كبيره ...
وبعده ... لا أحد يشره علي .. إن شافني أمشي بالشارع على يديي ..
ورجولي فوق ومربوطات إباغات بلاستك ...
المواضيع المتشابهه 
عصيقيل يعاني من شطوب رجوله 
العرض الشجري
