السلام عليكم يا اخوان ما ادري وين نحنا عايشين فيه وربي ما كتبت هالموضوع الا من القهر والغبن اللي نحنا فيه انا رجل امن عريف بأحد قطاعات القوات المسلحه راتبي والله ما تعدى 6800 ريال خدمتي اكثر من 5 سنوات فوق الرواتب المتدنيه والعمل المجهد والمنهك
قدر الله علي واصبت بقطع في الربآط الصليبي(( الخلفي )) رحت مستشفى وعطوني مهدئات وقالوا اذا الورم ما راح بعد يومين معناته عندك مشكله بالاربطه لازم اشعة رنين وشغلات لتاكد بعد 3 ايام ما راح الالم ورحت(( مستشفى الاميرمنصور بالطآئف)) بعد رفض ((مستشفى الأمير سلطان)) استقبالي بحجة الضغط المهم لقيت طبيب مصري شرحته الوضع قال لي تمزق تمزق ولا طالع في ركبتي والله قالت يا ريس ما يصير طيب اكشف مو تمزق انا اعرف التمزق جاني كثير ولو سمحت ابغى اشاعة رنين مغنطيسي قالي هوااا الاشاعة مش بلاش وما نعملها الا لحالات نادره انا بتسائل عنها ؟!!!؟ صرآحه امر يقهر حاولت فيه ما رضي وقال تمزق اسبوعين خلها ملفوفه بشاش وبعدها ما فيك شيء ترجع كويس وخذ مهدئات صرفها لي ! رحت حاولت اخذ تقرير طبي من قسم التقارير من عند نقيب ما رضي قالي ما نعطيك ! يخافون امسكه عليهم مدري كيف ! المهم بعد 3 اسابيع صرت طيب وجيت نازل مع الدرج الا في صوت قوي بالركبه والم طبيعي وطحت ؟ وعالمستشفى كشف الطبيب حق الطواري بالصدفه كان مناوب وهو طبيب عظام قال قطع بالرباط بأختصار يا اخوان سويت عندهم في مستشفى الملك فهد العام اشعة رنين وللامانه كانوا متعاونين معي اكثر من مستشفياتنا العسكريه ؟ واتضح وجود قطع كآمل بالرباط الصليبي الخلفي وقالي الاستشاري القطع كان جزئي والمفروض تمنع من نزول الدرج ومن ماولة اي عمل ميداني في عملك !!!! وانا اعتذر منك ما اقدر اسوي عملية رباط خلفي لانها حالة نادره وخطره عمليتها انا اسف قلت بالعكس ما قصرت . ومشيت ع مستشفى الهدى قالوا لي ما نسوي خلفي لا تتعب نفسك في العيادة ورحت للمستشفى العسكري بجده لقيت دكتور الله يستر عليه قال خلفي ما اسويه لكن اسوي لك الغظروف لان الغظروف كمان فيه قطع جزئي قلت حلوه ما تسويه المشكله الركبه تفلت مو ثابته قال والله حتى لو سويته مستحيل تنجح العمليه نسبة النجاح 60 بالميه اذا نجحت اصلا قلت طيب اكتب لي تقرير انك ما تقدر تسوي العمليه وان نسبة نجاحها 60 قالي لا ههه ويضحك ضحكة استهتار وامتعاظ وقال اسويها لك ولكن ما راح ترجع زي اول ابدا ! قلت طيب اكتب تقرير وكلامك ذا فيه قال لا تراك ازعجتنا تبغى اسويها اوك ما تبغى لا تشغلني وراي مرضى اخلص . صرآحه يا اخوان في هالفتره والمراجعات ما كنت انام الليل والركبه تفلت وسئلت ما خليت مكان يقولون ما يسوونها وما لقيت في السعوديه الا طبيبين (( الدكتور باسكال فرنسي بالرياض)) والدكتور (( خالد نعمان سعودي معروف بجده)) باسكال قال 25 الف والنعمان قالي 15 الف والله العظيم اني ما غير تسلفتهم واظطريت اسويها والحمد لله انا الان بعد مرور شهر اشعر بتحسن ولكن محتاج لعلاج طبيعي مدة كبيره تتفاوت من 6 شهور الى 8 شهور الجلسه بـ 150 ريال والحساب عليك يا عم لان تاهيل الرباط الخلفي بعد العمليه ايضا صعب مو بأي مستشفى خاصة في بدايته. الشيء اللي قهرني زياده فوق اني متحمل هالتكاليف الماديه ان العمل زعلانين ويقولون اجازتك ذي بلها واشرب مويتها لازم تروح مستشفى عسكري ويكشفون عليك ويعطونا اجازة معتمده ! يعني لا علاج لقيناه عندهم ولا تكفلوا بمصاريف العلاج ولا فكوني شرهم والله المستعان ؟شر البلية ما يضحك ههه طيب الحين انا كرجل امن بالله كيف يبغوني اخدم بمعنويه عاليه كيف يبغوني استبسل في عملي ! وش استفدت من عملي ؟ومن مستشفياتنا !؟ الفاشله ؟ِ وليه ما يسوون لنا نظام تامينات طبيه واتعالج وين ما ابغى ؟ والله العظيم ان باقي لي سنه واتخرج من الجامعه والله ما عاد استعد فيها دقيقه والله يرزقني من اوسع ابوابه لو ابيع مويه ما يكفي قلة الراتب والديون اللي تحملتها عشان العمليه ! الله المستعان
المواضيع المتشابهه 
رجل امن يكآفئ خير مكافئه ويا قلب لا تحزن 15 الف 
العرض الشجري
