السلام عليكم ورحمة الله وبركاته
انذرني احد الاخوه يقول ان كل جيوب تويوتا ومن ضمنهم
ربع وحوض( من موديل 2010 الى 2012 ) واف جي ( 2007 و 2008 و 2009 ) وفورشنر فيه مسمار بثلاجة مكينه السياره يطيح بعد فترة وتخبط مكينة السيارة.
وانا ما اعطيت الموضوع اي اهتمام ( وماكنت اصدق بمثل هالكلام ) .
لين قدر الله علي وانا امشي بالسياره ( فجأه سمعت صوت طقطقه بالمكينه
وعلطول وقفت السياره وبسطحه على ورشه من ورشات الرياض .
المهم قالي صاحب الورشه توضيب كامل للمكينه .
وشفت عنده اف جي يوضب وسألته كم كلف عليه الشغل كامل قال بحدود ( 7500 ريال ) .
المهم قلتله لا تحرك الموتر ولا تشغله .
واتصلت على صاحبي اللي انذرني ( وقال هذا المسمار اللي قلتلك عليه ووصفلي ورشه بالقصيم ) .
وعطاني الوصف ورقم الورشه الله يجزاه الف خير .
وحملت السياره على سطحه وعلطول للقصيم .
واول ما وصلت هناك سألني حركت السياره ؟ قلت له لا .
المهم قال حنا بنسوي اللي علينا وبنحاول نطلع المسمار .
والحمدلله كلفت علي الشغله 750 ريال وتم تدارك الوضع يقول لو انك ماشي عليه ( قل للمكينه وداعًا ) .
والحمدلله رجعت على وضعه الطبيعي .
وكان معي واحد هو اللي جابني للقصيم الله يجزاه خير ومعه ربع 2010 .
وقال لصاحب الورشه ابي اشيل المسمار وشاله كان مرتخي على الطرف وكله ايام ويطيح داخل المكينه !
كلفت عليه الشغله ( 170 ريال ) .
ــــــــــــــــــــــــــــــــــــــــــــــــــ ــــــــــــــــ
المواضيع المتشابهه 
مهم ( يجب ع الجميع الانتباه ) 
العرض الشجري
