لاحول ولا قوه الا بالله صديق خاص لي شخصيا كنت اظنه من اسعد المتزوجين ولكن صدمت به الامس دق علي وطلب يقابلني ضروري قلت له الموعد يتاجل اليوم يوم عيد وبسلم على اعمامي واخوالي قال تكفى طلبتك قلت سم جاك لو تبي اقابلك بالمريخ المهم بعد ماقابلت الرجل قال لي ابي تنصحي جاد ولا تجاملني قلت سم قال انا متزوج وعندي ثلاث بزران قلت ادري الله يصلحهم ويبارك لك قال يارجال حياتي مع زوجتي جحيم في جحيم قلت وشلون شكلك مابان عليك قال يارجال انا والله تعبت مع هالعله الي معي من يوم خذتها وهي ثقيله دم وطويله لسان وملقوفه وعنيده وعجازه وتسب اهلي عندي بدون سبب بس المشكله اني صبرت عليها قلت لعل الحال يصلح ولكن للاسف ماصلحت وكل يوم اكرهها اكثر من اليوم الي قبله قلت له يوم هذا طبعك ليه صبرت ومن زين وجهك مفرخ عيال انت واياها فقال لي اقسم بالله العظيم ان عيالي الثلاثه كلهم جايين بالغلط ولا واحد بغيناه لاانا ولا هي قال وش تنصحني قلت اصبر وادع ربك وانت تتوقع كل المتزوجين يحبون زوجاتهم الدعوى مجامله قال لي ياخي افهم انا مااجاملها انا اكرهها تفهم اكرهها قلت بينكم ثلاثه مو واحد لو تاكل تراب وتصبر عشان هالبزران ووعدته اني بستشير يمكن احصل من يشور براي طيب ياشباب الموضوع جد مابي ردود استهبال وش رايكم انتم
المواضيع المتشابهه 
صديقي يطلب مساعدتي ومساعدتكم بخصوص زوجته 
العرض الشجري
