من الساعه 1 الى لساعه 8 بين سوق الغنم والسلاخ... شريت اضحيه على اساس اذبحها في البيت استغرق ذهابي لسوق الغنم وشراء الاضحيه ساعه ونصف...معي زميل اخر اشترينا على 2000 ريال على اساس نذبحها في البيت ونسلخها وعند ماقربنا من البيت فيه مطعم بشارع خالد بن الوليد وجزار والناس مجتمعين عنده قال زميلي خل نسلخ عنده احسن مما نحوس بيوتنا قلت يالله ..نزلنا قال الوحده ب100 ومعنا شخص ثالث...ورانا المسلخ نظيف .نوعا ما ..السلاخين مصري ويماني...ذبحوا الاضاحي وحنا واقفين وسمينا وكبرنا ..الساعه 3 قال ربع ساعه نبي نتغدى ونرجع ..رحنا 20 دقيقه ورجعنا المسلخ 3في 4 ولقينا فيه اكثر من عشرين ذبيحه والدم حايس الدنيا والبالوعه منسده والاضاحي مخبصه في الماء والدم..والمصري واليماني يمرمطونها..في بحر من المياه والدماء ما عمرهما سلخا ذبيحه في حياتهما...خليته يرفع اضاحينا ويزيل الجلد..المهم مرمطه في مرمطه..خليته يغسل اللحم وكرهت الاضحيه كلها.... خليت الجزار يقطعها لاربع قطع وزعتها على بعض الجمعيات الخيريه انتهيت الساعه 8 رحت للبيت والشباب ينتظرون الذبيحه....قلت يالله انا عازمكم على العشاء بمكدونالد...يمكن فيها خيره... انا مافهم ليش كل شىء عندنا فيه ازمه ..ومرمطه في مرمطه.بين يماني ومصري ..وسوري ..وباكستاني..وبنجالي ...الظاهر ان مشاريعنا النيه حسنه فيها لكن لما يقضبوها الاجانب يمرمطونها مثل ماحصل لي اليوم خربوا الاضحيه بس لمن تشتكي...الا الى الله الطاسه
المواضيع المتشابهه 
ام الحاله...ام الحاله..وين الطاسه 
العرض الشجري
