جائني جار لي يماني وهو صديق عزيز ومتربيين سواء وقال تعال يا ابو جابر وهات 200.000 ريال فيه مطعم للبيع في مول كبير وترى فيه خير كثير .
طالعت فيه وهزيت رأسي قلت له مجنون أدفع 200.000 ريال في مطعم أقول قم بس قم .
عدى كم يوم وجائني وقال أقلك هات 100.000 وأنا أخلص لك الموضوع قلت في نفسي نزل 50% كويس طيب هذي 100.000 متى نوقع عقد التنازل قال يومين . وفعلا يومين رحت ووقعت عقد التنازل عن المطعم من الشركة المالكة للمطعم وكيلا عن زوجتي .
خرجنا قلت هاه وش العمل قال يومين وتطلع الطائف ونخلص مع المول قلت طيب عطلت الاسبوع أطلع لك (الطائف مدينتي الاصلية ودائم التواجد فيها واعرف مكان المطعم ) المهم طلعت الاربعاء مساء بعد الدوام رحت للمول لقيت خويي اليماني وطلعنا لإدارة المول وين العقد قالوا بدري اول تسلم 50.000 للمول مقابل التنازل عن المطعم قلت لا هذي سرقة قالوا تبغى ولا يتقفل المطعم .
طالعت في اليماني قلت حسبي الله ونعم الوكيل أبتسم وقال سلم الدراهم يا أبو جابر وبتدعي لي , قلت الا ابغى ادعي عليك حسبي الله ونعم الوكيل .
سلمت الخميس ال 50.000 قلت يالله وين العقد قالوا بدري هات 44.000 أجرة نص العام قلت الله وأكبر وهذا شيك ب44.000 وخرجت وانا أنظر لليماني على غضب ضحك وقال يا أبو جابر أحنا أخوان ولا لا والله ما أغشك قلت حسبي الله ونعم الوكيل .
نزلنا عند المطعم لقيت مندوب الشركة قلت خير قال بأسحب العمال قلت محتاجهم فترة ثلاثة شهور الى ان احضر عمالي قال تدفع عن كل عامل 5600 ريال للشركة وتتكفل برواتبهم الثلاثة اشهر وربي اني استشطت غضبا قلت انا وش دخلني في المطاعم كان بقيت على العقار والاسهم افضل مع وظيفتي .
المهم دفعت شيك بالرواتب وحق الشركه .
عرفتوا كم دفعت 215.000 ريال وانا مارضيت بال 200.000 الف وكنت زعلان ..
طيب وبعدين شغلت المطعم على ماهو عليه ووضعت اليماني مشرف وفعلا طلع ان المطاعم فيها مكسب تصدقون يا أخواني الأعضاء اقل شهر دخل صافي 18.000 واكثر شهر صافي 36250 ريال ومن سنه ماشاء الله والمطعم تمام والأن أخذت فرع في جده من ماشفت من المطعم ماشاء الله . وأفتتاحه بعد الحج(الله يحييكم ياأهل جده من الأعضاء وكذلك الله يحي الأعضاء الي يمرون جده)
هذي تجربتي ربما يستفيد منها عضو او اكثر وأسأل الله أن يرزقني وأياكم من فضله ودمتم بخير لمحبكم ابو جابر
المواضيع المتشابهه 
خذ تجربتي وأعطيني تجربتك يمكن أفيدك وتفيدني 
العرض الشجري
