لميسـ

السلام عليكم ورحمة الله وبركاته

كل عام وانتم بخير ان شاء الله

مشكلتي صعبة جدا ..اعتبروني ولدكم واخوكم الصغير وساعدوني ..وتذكرو ان كل كلمه تكتبوها انتم محاسبون عليها..

في البداية انا شاب تعرضت لظروف كثييييرة وصعوبات في حياتي كثيره جدا انا راضي بما قضاه الله لي والحمدلله.. تسببت هاذي الظروف والصعوبات بأمراض نفسية اكتئاب ووسواس قهري وخوف .. وترددت على الكثير من الاطباء واخر فتره مع الاطباء كنت اخذ اعلى جرعة من السيروكسات 300 ملجم وتحسسنت حالتي ولكن رجعت بسبب اني نقصت جرعة العلاج من نفسي..وانا شاب كنت اسمع اغاني واروح السينما ولدي معاصي..
سافرت إلى احدى الدول الغريبة لأكمل دراستي وكنت في بداية الامر طبيعي جدا ومبسوط اني حآرجع بلدي بشهادة قوية ارفع بها راس اهلي وابي .. والله والله والله يا اخواني ان نيتي الدراسة فقط ووالله مالي نية العب او الف وادور.. كنت مقدم على الالحاق بالبعثه وطول القبول شويا عن الوقت المعتاد فزاد عندي الوسواس والاكتئاب جدا وصارت تجيني نوبات اكتئاب وسواس غير طبيعية وصرت ما اكل احيانا الي في اليوم وجبة واحده..صرت افكر ان الله غضبان عليا وان الله محا يوفقني ولا تتيسرلي البعثة الا اذا بطلت جميع المعاصي .. فحاولت اني ما اسمع اغاني ولا اروح السينما واني اغض البصر .. وقدرت وصرت اشوف محاضرات دينية كثير واصحابي لاحظو عليا الالتزام حتى لما يسمعو اغاني اخرج من المكان الي هما فيه ..ولكن زاد الوسواس عندي وصرت عشان اغض بصري اطالع في الارض اغلب الوقت وما اطالع وارفع راسي واذا رفعت راسي وشفت حرمة استغفر ربي واحس ان ربي حيعاقبني ومحا احصل الشي الي ابغاه وحيصيرلي شي واصير استغفر كثير .. وكمان يا اخواني المكان الي ادرس فيه مليان حريم وفصلي اغلبه حريم .. واحيانا تجي المدرسة حرمة فأصير اطالع في الارض يعني اسمع الشرح واحاول ما اطالع فيا .. وحتى هما لاحظو عليا اني ما اطالع فسألوني يحسبو انه فيا شي ..ولما استخدم النت كمان فيه صور حريم فصرت لما اطالع احس ربي حيعاقبني وماراح احصل الشي الي ابغاه .. وللعلم يا اخوان انا حاليا ما اتفرج تلفزيون عشان الحريم وحتى لما اهلي يتفرجو تلفزيون احاول اني ما اجلس معاهم . وما افتح الراديو في السيارة لانه فيه موسيقى .. يا اخوان اشيرو عليا وساعدوني هل انا صحيح ولا غلط .. يااخوان كل شي الان فيه موسيقى وفيه حريم انا مابغى اكون متشدد في الدين ابغى اكون انسان في الوسط .. ابغى اعيش مبسوط ومرتاح والله يا اخوان انا ابغى ربنا سبحانه وتعالى يرضى عني ابغى اكون من اهل الجنة وفي نفس الوقت ابغى اعيش .. هل انا صحيح في فكرتي بعقاب الله ..؟ هل انا صحيح في فكرتي في غض البصر ..؟ هل انا صحيح في فكرتي في التلفزيون والراديو ..؟.. صرت افكر اني اسيب الدراسة وارجع بلدي فما رأيكم ياا اخواني ..؟ مع العلم يا اخواني اني والله والله والله نيتي ادرس ومالي نية لا في حريم ولا شراب ولا اي شئ .. كانت فكرتي اني ادرس واخذ لغة وارجع.. وبصراحه يا اخوان صرت ادخل الفتاوى على النت كثير فصرت ملخبط شويا..وانا والله انا ملخبط مااعرف ايش اسوي ..ساعدوني ولكم دعوة ان شاء الله

الله يوفقكم

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

gHwphf hgur,g hgvh[pi >>hsjahvi g,[i hggi