ياجماعة الخير اقسم بالله العظيم ان لي احد الاقارب المقربين كان راتبه بما يقارب الـ 2500 ريال وحالته مزريه وبعد كذا دخل عالم المقاولات شريك مع احد اعز اصدقاءه والأن مشاءالله الله لايضرهم رصيده بالملايين المهم السالفه ومافيها ان الرجال هذا حاب يخدمني واصير مثله وهو قالي اول شي تعال اعطيك شغل بالباطن يعني يوفرلي كل شي بس انا اجيب مقاول جديد على قولته او اجمعلي عمال الي يشتغلون باليوم ويعطيني الشغل بالمتر وعلى قولته بعطيك بأعلى سعر وهو 15 ريال بالمتر يقول اقل شي يصفالك بعد ماتسدد رواتب العمال يصفالك 5 او 4 ريال من كل متر قالي جرب تجربه مره وحده ونا مستعد اعوضلك لو ماضبط معاك بس هو متأكد ان الدعوه سهله ولا يبيلها شي انا مبدءيا تحمست وبعدين بردت وقلت ماش صعبه بحكم دوامي فترتين وبعدين قالي عنديلك طريقه ثاني اشتر نوع من انواع الكات هذوليك الي كنها حاملات اطنان بس تكون شيول او منشار الي يقص الاسفلت قالي سعرها مستعمل من 80 الا مية الف انت اشتريها واجرها على مؤسستي ونا باخذها منك شهريا 8000 ريال ولا لك اي دخل فيها ونا بصراحه زي الي يقولي خذ هالقمه اقوله اثمي ماتوسعله فيني برود مو طبيعي ما رفضت قلت بشوف وش رايكم اتهور واترك الاسهم وروح عالم المقاولات ؟؟؟؟
المواضيع المتشابهه 
المقاولات وما ادراك ما المقاولات 
العرض الشجري
