تعرضت لاطلاق نار في طريق جابر الصباح
 

السلام عليكم و رحمه الله وبركاته
قصتي هذي والله العظيم انها حقيقه و حصلت لي قبل سنه تقريباً
توني انزلها لاني شفت اكثر من موضوع يتكلم في هالجانب فقلت انزل موضوعي
طبعا بيجي البعض يكذب
والله العظيم انها حقيقه و حصلت لي شخصياً

قبل سنه تقريبا في شارع جابر الصباح الساعه الواحده بعد منتصف الليل , طلعت من شقتي متجهاً لاحد البقالات , اول ماطلعت من الشقه سمعت اطلاق نار بعيد شوي ما اهتميت لان المنطقه فيها قصور افراح كثيره فكنت اظن انها من مظاهر الفرح لا اكثر
اول ماشغلت السياره و طلعت على الشارع الموازي لجابر بالضبط " شارع خدمه "
الا احصل سيارات مقفله الطريق و بينهم مشكله و يرمون بعض بالاسلحه الناريه انا ذاك الوقت سيارتي جديده فديورت شوي شوي على السياره , بعكس الشارع و انحاش عنهم
في اثناء الديوره سمعت صوت الرصاص في سيارتي لابارك الله فيهم
وانا انحاش و ادخل في اول حاره و اتصل على الدوريات الامنيه
و الله ان العسكري ياله يتكلم اقول له في اطلاق نار في شارع جابر
يقول طيب وش السبب !
قلت مادري
قال طيب وشو السلاح !
قلت مادري
قال طيب الدوريه تجي وانت قابلها !
قالت لا ماقدر
قال طيب خلاص بنرسل دوريه
انتظرت في الشارع المقابل ساعه ماحد جاء
ورجعت نمت

وشكرا