قصص - روايات - حكاياتلطرح القصص والروايات الخيالية و الحقيقه و الكتابات الخاصة " ذات العبرة و الفائدة ",
القصص والروايات قصص واقعية و روايات - قصص واقعية، قصص عربية، قصص أطفال، قصص حب، قصص غراميه، قصة قصيره، قصة طويلة قصص روايات ادربيه طويله قصص واقعيه قصص روايات قصص حب قصص رومانسيه روايات رومنسيه قصص واقعيه قصص و روايات حب ,
طالع الرقم ابوي وقال رقم غريب ... رد بلهجة رسميه :
- وعليكم السلام .....
الله يسلمك ..... الحمد لله بخير .....
ايه أنا أبوفلانة ( منيب قايلة لاحد عشان محد يعرفني ويضحك علي ) ....
لا منت غلطان انا هو ... ماعليك زود الله يسلمك ... من معاي ياخوي ماعرفتك ... والنعم .... تفضل وش السالفة اللي تبيني فيها ؟.... لا ماني مشغول ... لهالدرجة الموضوع مهم ؟!...
تفضل تكلم شغلتني ...
والتفت ابوي علي وعطاني نظرة غريبة ..
انا ساعتها قرصني قلبي مو من ردود ابوي بس من نظراته الغريبة ..
رد ابوي على المتصل : وش فيها زود طيب ؟...
لا بس مافيها أي ميزات عن الباقي ...
اقول في نفسي .. ودي ارجفك يبه واخذ السماعة منك واكلم الرجال ناشر غسيلي حتى عند الرجاجيل ..
رد ابوي على المتصل : طيب وبعدين ... أيوه ....
طيب وش اسمك الكامل ؟
وش تشتغل بالضبط ؟
طيب من دلك علي وعطاك رقمنا ؟
لا الموضوع يا ابني مو بهالبساطة ....
العملية مش بيع وشرى وبس ...
الواحد لازم يسأل كثير ويحرص قبل يقدم على أي خطوة ...
لا موضوع انك تجي لبيتنا خليها بعدين ...
لين أسأل عن كل صغيرة وكبيرة ...
لا لما اكتفي من السؤال وأخذ المعلومات اللي تكفي .. باتصل عليك تجي ونتفاهم ويكون خير إن شاء الله ..
انا كنت اتابع حركات ابوي وانا متشققة من الفرحة ...
يوم قفل الخط ابوي التفت علي وهو مبتسم ابتسامة تعجب وهو ساكت ... قلت :
- هاه يبه ؟ متى بيجي يشوفني ؟
- منهو
- هذا اللي خطبني تو
- وشو؟!
- خطيبي اللي تو
- تموووووونين انتي ووجهك صار خطيبك على طول ماعندك وقت ..
- ايه يبه ترا احذرك هالمرة شف تكرش العريس .. مثل ماكرشت ولد أم مساعد العام الماضي .
للحين تراها حازة في نفسي .. ترا هالمرة بضرب عن الدراسة ... والا الاكل مقدر اضرب عنه ... وجع يبه بعنس من تحت راس فعايلك بخطاطيبي ... والرسول حث على تزويج من ترضون دينه وخلقه ... وهذا الخاطب قايل قلبي انه أجودي .. ترا ما اعرفه بس اتوقع انه كذا... وترا العرس أهم من الدراسة عشان الجنس البشري ماينقرض .... وبعدين من قال لك اني منيب مكملة دراستي والله بكمل .
حسيت ان عيون ابوي بتطلع من شدة علامات التعجب اللي في وجهه .. بعدين انفجر من الضحك .
- هي انتي وين رحتي ... حدك حدك لا تشطحين !!!
- وش اشطح ؟!
هذي الحقيقة يبه والحقيقة ماتزعل .. وانت الله يطول لنا بعمرك علمتنا على الصراحة وحب الحقيقة
- أي عريس وأي هم؟؟!!
انتي مصخنة ؟؟
هذا المتصل مندوب شركة يبي يجي يوريني المكنسة الكهربائية العجيبة على قولته اللي تغسل وتنفخ وتطبخ ..
قومي نامي يابنيتي .. ولا تكثرين قعدة قدام التلفزيون ... الحين بس عرفت ليه سكرتيه تو...
انا لا تسألون عن وجهي ...
الله يقطع أم العجلة اللي تعرفونها ....
مشكلتي اني أجزم على طوووووول قبل أتأكد
استروا ما واجهتوا
عقبال الجميع
طبعا الموضوع له مفارق كثيره
وله وجوووه معتمه
صحيح انها قصه ولكن يعاني منها ناس كثير
العنوسه
الفضائيات وفسادها
الزنى
المعاكسات
الانحراف الفكري
الهروب من المنزل
الجريمه
وكلها بأسباب العنوسه
واتفاق الآباء على عدم تزويج آبناءهم وبناتهم
فكم من أب مات ولم يزوج ابنته فضاعت مع من ضاعوا
وكم من آباء ماتوا ولم يزوجوا ابناءهم فأنجرفوا خلف الأهواء والمشاكل
فياأيها الأب المقتدر
ابحث لإبنك وإبنتك عن زوج او زوجه يستر بعضهم بعضا
وتستأمنهم على ابناءك
دعووه صارخه للجميع
لإيجاد المشاكل والمسببات لنجد الحلول
وليتعض الآباء
قبل أن يموتوا ويكون عذابهم في القبر لأنهم لم يستروا ابناءهم وبناتهم
المواضيع المتشابهه 
البنت والانتظار 
العرض الشجري
