لميسـ

بعيد عن حمية الجاهليه رجاء

التعليق لكم

قصيدة عبدالله بن دبسان بن دوخي الشيباني يعمل . بمنطقه جازان

يقول


البارحه عن لذيذ النوم سراني ***همن وطاء القلب يقبل به ويقفي به

البارحه مارقدة الليل سهراني ***في راس رجمن ٌهبوب النود ترميبه

من دون ربعي ظلام الليل بكاني ***في سوق جيزان ابيع الهم واشريبه

جيزان جيته ولكني بشيباني *** قلبي على عزوتي كثرة مناديبه

جيزان جيته وانا ماني بجيزاني *** والله محبه لكن الله بلاني به

والله لولا كلام فلان والثاني ***لقول شين جميع الناس تدري به

هاذي حياتن لها ماني بعشقاني *** ياشيب عيني ومنها القلب ياشيبه

البوم فيها سوات الذئب سرحاني *** البوم فيها يصيد الصيد ويجيبه

والله لولا شراب التتن داواني *** لنساء صلاتي وقول الله لغني به ؟؟؟ كلمات كفريه

من حب ربعي بغني زين الالحاني** *يازين صوتن حمام الورق يسري به

,والله لولا ولد سلطان سلاني اني ***لفسخ جديد الثوب وارمي به

المرشدي يوم اجيه اليوم نشطاني *** احب خشخمه ولي تكثر تراحيبه

وابو طلال الذي لطيب وداني ***الاسعدي في طريق الطيب ياطيبه

ياللي جهلتوه علمه بالشاء جاني *** يانعم والله ببو طلال يعتيبه

ياليت ابويه على اسم الشيخ سماني *** يازين عقله ويامحلا تعاجيبه

جيته وشفته وعقل الرجل كفاني** *والناس يسكن لها ميزان في جيبه

الناس فيهم سوات ابليس شيطاني ***ثعلب نميمه وراعي الهرج ياعيبه

ابن المويشير له بالمجد برهاني الرجل***الاول وعقل الرجل تزهيبه

من طيب راسه جزا السيئه بلاحساني ***المجد له ياهبوب الغرب هبيبه

والله لخاويه مثل ابوي واخواني ***شيخن ملكني بطيبه ويش اسويبه

ياجاهلاٌ بي ترى جدي حليفاني ***و رمحي مع القوم يامقواء مضاريبه


====================================

الرد


رد عليه سلمان احمد الفيفي



بالهاتف الفكس يوم الامس وافاني*** قولا من الشعر من قاله يهذريبه

من شاعرا جاهلافي طبع خولاني*** مغرور والشعر مايعرف تداريبه

ياذاك حنا لنا في الحرب ميداني*** ماننبهربه ولانخشى عواقيبه

والخفجي اكبر دليلا لبن جيزاني ***والمحزري ذا يصيد الصيد ويجيبه

وانكان جيزان فيه البوم بطراني*** فكر في الصقر لو تبطش مخاليبه

تقول لولا كلام فلان والثاني ***لقول شين جميع الناس تدريبه

مخباك بالكذب والبهتان ملياني*** كذاب ماعندك الا الكذب رابيبه

جيزان فيه الصقور وطير حوراني*** ومن يعيبه احسبته من ثعاليبه

جيزان فيه الشرف ورجال شجعاني*** ومن بغى العلم يسئلني واناجيبه
تاريخ جيزان منظوما بديواني*** لافيه نمه ولابهتن ولاغيبه

حنا ربينا ءعلى مفهوم الايماني*** والطيب والجود مانقفل دواليبه

نتحيي المجالس بحاديث وقراني*** ونكرم الظيف والطرقي نهليبه

والشعر يحكى على وزنن وقيفاني*** حنا نقوله وحنا الي نحاكيبه

وبساحة الشعر نطرق كل الالواني ***نحيي مجال الشعر وايضا نباريبه

وفي ساحة الشر نروي كل ضمياني*** من ذايب الصفر والبارود لاويبه

ومن نصانا فرشنا سود الاعياني*** ثم سعينا وحققنا مراغيبه

هذا طبعنا وهذا العلم يفلاني ***ويش نيتك قلنا ويش انت ناويبه

وانكنت نشمي وبين القوم سلطاني*** احفظ لسانك وخلك عن تلاعيبه

والغ اللصيقه واكتب كنت غلطاني*** واعتذر مثلك ترى يعرف مواجيبه

لولا الادب حال بين القول ولساني*** والله لاظهر كلاما فيك ماليبه

ياجاهلا بي ترى رمزي وعنواني ***ذيبان والشعر اجرحبه واداويبه

تراني انتقد رجلا قال فهماني*** وافعاله تخالف اقواله وتهذيبه

واشره على الي يقول القول هجاني*** مايوزنه قبل ويفكر مقاليبه

الرجل ليس مجرد هيكل انساني*** مايعرف اقبال وجه من عراقيبه

الرجل يعني عقل واحساس وتفاني*** وموقف حزت الشده يباهيبه

مايخضع الرجل للصعبه وينهاني ***يبقى صعيبا وهمه مايباليبه

انا سعودي بين اهلي وخلاني*** وحب الوطن حيث ماقابلت ماشيبه

داري بفيفا وفي نجد وجيزاني ***وفي شروره وفي مكه وفي طيبه

المملكه ديرتي والشعب اخواني*** والي بعيد تطمني مكاتيبه

وان اصابني الهم من فرقان خلاني*** هما من اجل الوطن قلبي يحي به

مايقدر الهم يامرني وينهاني*** انا اتحداه والمكتوب راضي به

هذا وطن والنشامى درع الاوطاني ***تجني ثماره وتتحمل متاعيبه

حنا حمات الوطن من كل عدواني*** فيها العزيمه وبقلوب العدو هيبه

وانا ادري انك على ماقلت ندماني*** ورايحا غامض المعنى توافي به

وانا بنادي واخاطب وانشد اخواني*** فطاحلت عالم الشعر تجاريبه

لاتنقدونه يبيت الليل وحداني*** يسري مع الهم يتذكر معازيبه

قلبه على شوفت الخلان شفقاني*** ياشين دمع على خده سواكيبه

مايحتمل لوعت الفرقى ضعيفاني*** عايش بهم على قلبه يعاني به

ابن عتيبه المكنى ابن دبساني ***له قصد غامض وانا عارف مذاهيبه

مايقصد اهل البلد له مقصد ثاني*** بس انه اخطا بتعبيره واساليبه

مادام انه قال ان التتن داواني ***لنسى صلاتي وقول الله لغني به

معنى هذا فعقل الرجل نقصاني*** وناقص العقل ماتحسب عذاريبه

حقيقته ملبستها ثوب بهتاني ***ومكحلتها بنيله من حواجيبه

هذا هو الواقع الي ازعله وارضاني ***عكس اللصيقه عبدالله واكاذيبه

شمس الحب

تستطيع المشاركة هنا والرد على الموضوع ومشاركة رأيك عبر حسابك في الفيس بوك

---

lph,vi r]dli fdk hgujdfd :: ,hg[d.hkd >v[hx f],k juwf rfgd