ان إمرأه اتصلت على جوالي بالخطأوصوتها جميل ومبحوووح:hawamer4412 وفورا صفقتها برساله أقول فيها/ {صوتك المبحوح علقني .. ياروح الروح} وانا والله من الصادقين هي تتسلا وانا اتسلى على من بي يتسلا المهم في ذلك اليوم ( المُهبِب) والذي سمعت فيه صوتا حنونامبحوحا إتصل بي صديق كان جار لنا أيام ما كنت ساكن بالروضه ولي سنه ما سمعت صوته ولا زارنا بالأستراحه وهو شاب وسيم خلوق هادى قليل الكلام ومنصت جيد وخدوم (وهذه صفات تعجبني لاسيما الإنصات):hawamer6312 قال / عدي يابو سعدعلي!
عديت عليه في بيته وأخذته قلت له / وين ودك ننطلق؟ قال /اطلع بنا على أبحر بعيد بعيد لاحظت على الرجل أن هدوءه زاد:hawamer5512 وإهتمامه بنفسه زاد:hawamer4412 وإنصاته زاد!:hawamer4412 جلسنا وطلب له معسل بناتي:hawamer4412 وطلبت انا حجر باعشن:hawamer1412 وطبعا قعدت أبربر وهو منصت ولاحظت ان معه جوالين احدهما أمامه والثاني في جيبه وإذا دق اللي في جيبه قام وراح يتكلم بعيد عني
سألته وقلت له / إنت توضفت ؟ قال / الله لا يقوله قلت له / طيب من وين تصرف؟ قال / خير الله واجد:hawamer6112
حلوه ذي إذا سألني سؤال قعدت ابربر في الاجابه ربع ساعه وان سألته رد علي بكلمتين قلت لنفسي / صاحبك تغيرولازم تتحفظ معه:hawamer3212 وأيضا لاحظت عليه شئ من التنعم والترقرق وانا ما أحب كذا:hawamer1912 قلت / هيا مشينا قال / بدري وش فيك مستعجل ! قلت / الرطوبه ذبحتنا قال / أجل خذ بنا لفه على البحرفي السياره! سألني في السياره وقال / ابو سعد ليه ما تزوجت للحين ؟:hawamer1412 قلت / يجيب الله خير (متحفظ) قال / لا تكون تحب لك وحده ومعلقتك قلت / الله لا يقوله قال / معقوله ما تعرف ! انا متأكد انك تعرف فوق عشرين بنت قلت له / ما أعرف إلا أمي (وانا والله العظيم صادق) المهم وضع الرجل ما اعجبني وأسلوبه شعرت ان فيه إستدراج ويخطط على شئ وأنا ما أحب الحركات ذي وفاهمها:hawamer3512 أوصلته عند بيته وأنا أبغى الفكه وإمتحني يبغاني انزل عنده البيت:hawamer1312 وما فكني إلا لما واعدته نتقابل بكره وبعد ما تحركت سمعت صوت جوال يطنطن ! ول ول هذا الجوال اللي كان حاطه في جيبه طاح من جيبه أخذت الجوال ونظرت في اسم المتصل إلا هو مخزنه بإسم (عاشقني):hawamer1412 قبحك الله المجتمع وراه تفكفك كذا ؟ دق مره ثانيه وناظرت للإسم /فإذا هو (الطلي الدفيع) وش ذا ؟ قلت لنفسي خليني أشوف وش مخزني ؟:hawamer4112 دقيت من جواله على جوالي ويالها من مصيبه ! جعلتني اتوقف في نص الطريق مخزني بإسم (أخيرا طاح ) عساها تطيح عليك قنبله !:hawamer3112 وش يبغى منى ذا:hawamer5712 وليه طحت انا ؟:hawamer1412 قلت لنفسي خلني أشوف الرقم حق هذا الجوال وهنا حصلت المصيبه الثانيه :hawamer0012 والتي على أثرها تركت سيارتي وجلست على الرصيف والعرق يتصبصب وجدت ان رقم هذا الجوال هو رقم الفتاه ام صوت مبحوح اللي كلمتني! قعدت على الرصيف أجمع أفكاري وأحاول أفهم الفلم ياويلي ! مالها إلا تفسير واحد هذا جوال أخته ووجد رساله مني على جوالها ولهذا السبب طلب مقابلتي ؟ ولهذا السبب طلب مني أن اذهب به بعيدا لأبحر:hawamer4112 أكيد كان يبغى يذبحني! وهذا سبب تصميمه ان أنزل معه للبيت!يبغى يلبسني تهمه:hawamer1912 او يواجهني مع ... ياخراب بيتك يابو سعد مواضيع النسوان في بلدي يتم حلها بالسلاح وفجأه دق السفاح الحنون على جوالي وطمرت من فوق الرصيف :hawamer4112 قال / أبو سعد انت وينك ؟ قلت /أنا هنــــاك:hawamer3112 قال / وين هناك ؟ قلت / ليه في شئ ؟ قال /جوالي الثاني نسيته بسيارتك قلت له / طيب طيب .. البطاريه فاضيه قفلت جوالي وجواله وقطعت علاقتي بالعالم الخارجي وذهبت للإستراحه وصرت أفكر كيف أقدر أقنعه أن أخته هي التي إتصلت بي ؟ أصلا ما راح يصدقني! كل الناس تسئ بي الضن وبينما انا أبرم وأطوف في مجلس الإستراحه سمعت صوت سياره ؟ نظرت مع النافذه فإذا هو السفاح الحنون :hawamer4112 ياساتر لا يكون جايب الهيئه معاه؟ الباب كان مفتوح ويوم دخل إستقبلته وفي يدي ملقاط الجمر وعيوني كلها جمر قال / وش فيك يابو سعد ؟ قلت له / انت اللي وش فيك !:hawamer5712 قال / ودك نتفاهم ! قلت / نعم للتفاهم:hawamer6112 قال / وين الجوال ؟ قلت / الجوال اللي جبتوا راسي فيه:hawamer5712
جلس .. وأنا وملقاطي لم نجلسا وقال / وش تخطط عليه يابو سعد تبغى تفضحني ؟ قلت له / أنا ما ابغى افضحك إنت تبغى تستدرجني وتذبحني (بس على مين) نظر لي بتعجب :hawamer3312 وقال / إنت سألتني في البحر / من وين اصرف على نفسي ؟ الان أجاوبك.. انا أصرف على نفسي من هذا الجوال :hawamer4112 إقتربت منه وقلت / إخرب بيتك ماني فاهم ! قال / أنا أقلد أصوات وعن طريق هذا الجوال مرتبط بعلاقه مع طليان كثير يصرفون علي ومتوقعين إنني فتاه:hawamer4112 قلت له / طيب وأختك ! قال / وش أختي قلت له /طيب طيب كمل انا فاهم واصل :hawamer1712 قال / عندي مجموعه أغلبهم متزوجين وعددهم 9 ويكلمونني يوميا وبعضهم من 7 سنوات قلت / طيب وإن طلبوا منك انك تقابلهم! قال / عادي أدق العبايه والنقاب وإذا شافوا عيوني من بعيد إنهبلوا يابو سعد عندك شعب إذا شافوا حرمه يدفعون اللي وراهم وقدامهم شعب محروم حنان وراتبي اكثر من راتبك قلت له / وكنت ناوي تجعلني الطلي 10 قال / سامحني قلت / ابغى اسألك سؤال ولا تكذب علي ! قال /أمر قلت له / مجموعه التسعه فيهم احد أعرفه ؟ صمت قليلا وقال ايه .. قلت له / إخرب بيتك لا يكون فيهم واحد من أخواني؟ (فيه واحد ان شاك فيه) قال / لا .. لا إخوانك ماورهم إلا الفقر لكن من ضمنهم صاحبك / فلان! وقفت على قدماي وقلت له/ يا نصاب سقها هذا إنسان راعي مسجد وملتزم وعياله كبار ؟ قال / أدري وأعطف عليه وحاولت اني اقطع علاقتي معه بس ماقدرت يبكي مثل الطفل :hawamer6912 قلت له / أنا أعرف إنه طيب وغلبان بس مش للدرجه هذه ! قال / تبغى تسمع صوته وهو ينوح !:hawamer1512 قلت له / ايه والله .. بس الوقت متأخر ! قال / يرد علي بأي وقت هات الجوال وشوف ! أخرجت جواله من خلف المسند وأعطيته أياه وإتصل الصوت المبحوح على الصوت النبوح ويااااحره القلب حره { وعزيز ٌ على قلبي حطه السيلُ من علي} وبعد ما سمعت ما امرضني قلت له / أبغاك تقطع علاقتك مع هذا الطلي ؟ قال / يموووت قلت / خله يموت عساه مايقوم وعندما خرج من عندي أرسلت للشائب العاشق رساله على جواله الى اليوم وهو يسألني عنها وانا انظر له بحزن دون ان أرد أرسلت له { خبر عاجل في الجزيره / سقوط قمر من السماء وجدوه على التراب مفتت قطعه حصى }
أخيـــــــــــــــــرا ترقبوا الاسبوع القادم موضوع (حيكسر الدنيا) عن فضائح الخاص:hawamer3912 انا مليش دعوه:hawamer6512 اللي على راسه بطحاء ..:hawamer3812
المواضيع المتشابهه 
خـبــــر عــــاجـــل الان بالجزيـــــره / سقـــــــوط قمــــــــر مــــن السمــــــاء 
العرض الشجري
