سلام عليكم الوضع في البلد هذي كله مؤاتي فقط للوظيفة بالوظيفة تقدر تتعالج في مستشفيات معينة حرس وطني بمستشفيات الحرس الوطني وظيفة بنظام تأمينات معاك تأمين صحي تقدر تروح أي مستشفى خاص بالوظيفة تقدر تستخرج تمويل من أي بنك سواء حكومي او خاص بالوظيفة ضمنت الزواج !! وعلى حسب الوظيفة تتنقى البنت اللي تبغاها أصحاب المهن راحوا فيها لا علاج صاحي ولا تمويل صاحي ولا مكانة اجتماعية و يمكن ما يقدر يتزوج الا اذا كان تاجر
حتى لو حبيت تستأجر اول ما يسألك صاحب الملك ايش وظيفتك
المشكلة لا القطاع الخاص ولا الحكومي بيقدر يوفر وظائف للكل لو صندوق التنمية و البنوك توفر تمويل لمن يريد فتح نشاطه الخاص بدون تعقيد و بدون دفعات و لف و دوران وبدون تعقيد وبدون الكفيل كأن موظفيها يوزعون أموال ابوهم بالقطارة بطاقة الهوية تكفي كإثبات و ضامن والبلديات والأمانة تكف يدها عن تعقيد ومخالفة المواطن اللي يعمل بنفسه في محله يمكن استغنينا عن الأجانب من زمان اشوف لو الدولة تطير المستشارين حقين السعودة و توفر البرامج حقت السعودة والتوطين و تحفظ رواتبهم لشئ افضل مثل تأمين صحي و دفع نصف مستحقات التأمينات لهم و تقليص مدة التقاعد لهم لعمر 45-50 سنة و خدمة 20 سنة لاستحقاق الراتب التقاعدي تقديمهم على الموظف في استحقاق السكن اعفائهم من نصف الضريبة كبداية تقديم تسهيلات لهم من البلديات و التجارة
اللي اقصده محل تموينات محل خضار محل بيع ملابس محل بيع عطور المحلات الصغيرة هذي محلات الصيرفة محل كهرباء سيارات ميكانيكا (مثل اللي دخلوا المعهد العالي الياباني اغلبهم بوظائف حكومية ما تمت بصلة لشهاداتهم كم دفعت الدولة لتعليمهم!) الصيدلي تدعمه الصحة اذا بيفتح صيدليته و تطرد أي صيدليه شركة بقربه و تكفيه شر الشروط والبنوك تدعمه بالتمويل لفتح صيدليته الخاصة
لكنت كذا تجبر سعودة و مكانك راوح محد بيشتغل كذا خاصة وان غالب الشباب بدون سيولة مادية الدولة بتجيب حقها بخصوص ان حدث تلاعب فيه إيقاف خدمات
اشوف لو طبق ما قلته استغنينا عن الوظيفة و العيش تحت رحمتها 25 سنة او 30 سنة و يمكن ما نقدر نكملها الطرد من الوظيفة او فقدانها امر وارد و راح تنتهي العطاله لا زال السوق يستوعب اكثر من مليون عاطل جيبوا وزراء أجانب نصيحه