قسم بالله اني مستعد اصير عسكري سري متطوع وما ابي ولا شي الا اني امسك هالفئه المتخلفه واصكهم مخالفات وسجن يجيك على بعد كيلوين ويكبس وكأنه الشارع له وحتى وانت تمشي بالسرعه النظاميه الا يبيك تبعد عنه مو تدعس مثله لانه لو دعست مثله ينجن وكأنه شي يحكه انه لازم اتعدا على الناس اللي قدامي وحتى لو في سيارات بالمسار الاوسط يقولك ما لي دخل تصرف واغلب الفئه هذة من الشباب والمراهقين والمشكله صرت اشوف شيبان واجانب واخرتها اليوم سواق ومعه بزران بجمس !!
وهالفئه اذا ما بعد عليهم يجيك يتحلطم ولا يسقط عليك متعمد وكأنه غلط عليه وسبيت أهله المصيبه انهم يحتكون من الخلف يعني لمسه بريك يصقعني واللي بيروح فيها هو وهكذا اللي حصل قبل فترة صقعني واحد وطلع ما عنده تأمين وجلس يشحذ عن العسكري ينزل قيمه الحادثه يوم وصلنا الموضوع للمرور وقالها العسكري اذا حدك من الخلف الخطأ 100% عليه
عموماً ومن باب المواطن انه رجل الامن الاول جالس ابلغ على هالفئه كل يوم من 2 الى 3 اصورهم بلوحات سياراتهم ولا اكتبهم وابلغ عليهم بتطبيق كلنا امن وتجيهم مخالفه
المواضيع المتشابهه 
وش الحل للفئه المتخلفة اللي تجي طايره وتكبس في المسار الايسر 
العرض الشجري
