الحمد لله تحقق الحلم صح متأخر شوي خمسين سنه :smile: أصبحت تاجر واليوم طلعت السجل التجاري وحطيت فيه كل شيء :smile: من استيراد ملابس اطفال رجال نساء شنط جزم مفارش اكسورات كل شيء جمله وتجزئه واتفق مع مكاتب شحن بتركيا على نقل البضائع والتخليص الجمركي وحجزت تذكره وسكن وبجلس هناك اسبوع طبعا بعد ما حددت اسواق الجمله الي ابروح لها
طبعا بقى شيء ههههههههههههه ما حددت البضاعه الي ابجيبها ولا كيف اصرفها :hawamer5612 واتفقت مع المندوب اني بشتري اغراض بحدود 100 الف قيمه البضاعه
قبل ما يقول واحد انت ناوي تضيع قروشك ابقوله لي ست شهور ادرس السوق وصرت تقريبا اعرف الاسعار وفكرتي ببساطة لن اشتري الاشياء التي ربحه بعد الشحن والجمارك اقل من 100% هذي ما راح اجيبه ابختار البضائع الي اربحها حدود 200% ولا احد يقول تبالغ لا ما ابلغ الفنايل حقت السبورت تطلع من هناك باقل من عشره ريال بالجمله وتباع هنا بسعر 30 بالاقل والغالب 50 يعني ربح 500% المفارش اربحها 150% على الاقل الجزم والملابس النسائيه والبجامات الارباح 200%
ابجيب بضاعه من كل نوع كميه بسيطه والتصريف موقع حراج ولاستقرام وبحط اسعار حلوه يكفيني ربح 50% بين قوسين احطم الاسعار :hawamer5612
واذا قدرت اصرف البضاعه حلو ما قدرت ابحول على الخطه الاصليه اني افتح محل والبضاعه موجوده والمحل محدد مكانه بس انتظر شوي حتى يطيح الاجار
المهم احد يبي شيء جمله من تركيا يعطيني نسبتي ويبشر بالاغراض من الان صرت تاجر ههههه فوائد التقاعد المبكر ما كملت عشر ايام وهذي اول المشاريع ومتوقع الخساره بس مو بقوه ولكن بتكون هي الدافع للشحنه القادمه الدرس الاول تعليم
من خاف جالس طول عمره جنب الساس حكمه متقاعد :hawamer5612