ياتل قلبي على هاف الحشا تلي تل السواني على مربوعة الجالي
عز الله اني بريٍّ منك يا خلي لك عدة ايام ماتطري على بالي
والله ماهوب كرهٍ لكن احسن لي اتوب لله واعذل على حالي
جهلت يوم الجهل ظلا خوي لي قطعى خويٍّ يهين الحال والمالي
وشلون اجاملك وانا اصوم واصلي وآخاف ربي ودمع العين همالي
واليا ذكرت الجهل ولاتخيلي أخذت ساعه وانا في مخرمٍ خالي
اجاهد النفس واصلاها على الملي واذكر مقام البشر في يوم الاهوالي
في يوم لاماء ولا ماوا ولاضلي لاثوب لابشت لاغتره ولاعقالي
زريان عريان جسمي باديٍ كلي انزف عرق وآترجا رحمة الوالي
والله لو انك بجنبي ماتعين لي لو كان دمي ودمك سكر حالي
مدام ذي آخرتها ليه ترسلي لاعاد ترسل ولاياصلك مرسالي
ثوب الدنس ياعشيري مايفصلي ماهو مقاسٍ علي ولاعلى امثالي
يازين ثوب الشرف ومعانق التلي رجمٍ يعله من الهمال همالي
وضعيّف النفس مايصلح رفيق لي ماني مسميه لاعمي ولاخالي
لو تطلبه ماعطا من وزعته ملي واليا طلب منك ماترضيه الاميالي
المواضيع المتشابهه 
من يعطينا موضوع القصيدة او عنوانها 
العرض الشجري
