زميلي في العمل تربطه علاقة صداقه مع مدير القسم ،
كان فيه ترقيه وكان المدير واعد زميلي هذا فيها ومن هالكلام (ماكنت أدري عنه) ،
جاء القرار من فوق أن الترقيه تكون لي بحكم أني أحق وأجدر ،
لكن المدير رفع خطاب وطلب اننا نكون الاثنين في هالمنصب ،
أنا انبسطت بحكم ان الدوام راح يخف ، وفعلا وافقوا الاداره
لكن كاقطاع خاص عندنا اوفر تايم وبونص شهري يحدده المدير ،
للأسف أحيانا يكون هو مداوم أسبوع واحد في الشهر فقط والباقي اجازه وأنا اسبوعين الى ثلاثة أسابيع شفتات
لكن دايم دايم يجي راتبه أكثر مني بالفين وأحيانا أكثر (مع أني أنا مترقي قبله!)
انتظرت شهر شهرين ثلاث خمس شهور ، نفس الوضع ، أحيانا أداوم وأغطي عن زميلي هذا ويصير تفتيش ومشاكل في العمل وأتعب جدا وأكون لحالي وهو جالس في البيت وبالأخير راتبه أكثر مني (بحكم الفرق في البونص والاوفر تايم اللي يحدده المدير )
الحق يقال حقي يجي بالمللي ولايزيد هلله ،
هل لي حق أتكلم ؟ أو هذا يعتبر حسد طالما ان حقي يجيني ؟

والله شي يقهر تحيز واضح ، لدرجة إن أي انتداب أو دوره تجيني لازم مديرنا يسجل زميلي هذا معي واذا ماقدر يطلب بالغاء الدوره بعذر العمل مايسمح !!

الموضوع الأصلي: هل أنا حسود ؟ || الكاتب: لميسـ || المصدر: منتديات

المصدر: منتديات شمس الحب - من قسم: سلة المحذوفات والمواضيع المكررة