السلام عليكم ورحمة الله وبركاته ،،
اخواني انا قصتي قصة ويشهد الله انها حقيقة .
انا ابو محمد موظف بشركة خاصة وحالتي الاجتماعاية جيدة متزوج ولدي 3 اطفال .
زوجتي سعودية من اصل لبناني تزوجتها قبل 23 سنة ( اهلها مقيمين بالسعودية لاكثر من 30 سنة ناس بسطاء للغاية ابوها يشغل في السباكة ) وزوجتي غير متعلمة .
الحمد لله كانت حياتي هادئة ونعيش في سلام .
المهم بعد ان حصلت زوجتي على الجنسية طبعا هذا النظام كان معمول به قامت وبشكل طبيعي بكفالة اهلها ( ابوها وامها واخوانها 2 )
بعد ان كبر اخوانها طلبوا منها ان تفتح لهم مؤسسة لبيع السيراميك والبلاط باسمها فقط تسجل المؤسسة باسمها .
زوجتي بكل رحابة صدر قامت بفتح المؤسسة لهم وزيادة على ذلك والله انها دعمتهم بمبلغ كي يستطيعوا ان يقفوا على ارجلهم .
مرت الايام والسنين وكانت الامور طبيعية وكل شيء تمام .
وبحكم ان زوجتي كانت غير متعلمة وما تعرف كيف تتعامل مع الكمبيوتر كانت تعتمد على اخوانها في انهم يدخلون حسابها في ابشر لتجديد اقاماتهم او تسديد رسوم رخص القيادة ... الخ .
قبل حوالي شهرين تفاجأت زوجتي باتصال من ابوها في اخر الليل ويقول فيه ان اخوانك الاثنين خرجوا نهائي من السعودية وان اخوانك سرقوهم وهربوا لبرا السعودية ( راحوا لسوريا ) .
انصدمت زوجتي من الخبر وعلى الفور بلغتني انها مضطرة انها تسافر للطائف لاهلها . ذهبت زوجتي وهناك اكتشفت ان اخوانها الاثنين الله لا يوفقهم كانوا سارقين المؤسسة الي باسم زوجتي والديون الي على المحل اكثر من مليون ريال وما اكتفوا بكذا بل سرقوا ابوهم ( فلوس ايجار البيت + تجديد اقاماتهم ) .
اصيبت زوجتي بانهيار عصبي وتنومت بالمستشفى وكادت ان تروح فيها .
في الحقيقة ما كنا مصدقين ان اخوانها يغدروا فينا
حاولنا بشتى الطرق والسبل الاتصال باخوانها لكن محاولاتنا كلها بائت بالفشل .
معقولة الي صار ؟؟ كنا مذهولين ومصدومين .
ذهبنا لمحامي ووكلنها عشان يشوف حل للموضوع (بمبلغ وقدره ) .
والان الموضوع له قرابة الشهرين وما زالت بالماحكم وخدمات زوجتي توقفت ومنعت من السفر .
المشكلة اننا ما نملك المال لتسديد الديون الي في الاساس مالنا اي دخل او ذنب فيه ويشهد الله على ذلك .
الواحد يالله يمشي حاله .
قبل حدوث المشكلة زوجتي كانت شغالة في روضة اطفال براتب 3000 ريال عشان فقط نعيش حياة مستورة ولكن بعد المشكلة استقالت زوجتي .
الان نحن نعيش حياة صعبة جدا ومهمومين على طول وما ندري كيف حتزول هالازمة .
حياتنا اصبحت لا تتطاق وما صرنا نسعد في اي شيء .
اخيرا احب ان اوضح لكم ان زوجتي والله العظيم انها مظلومة وما كانت في يوم تتوقع ان اخوانها ممكن يورطوها .
ابوها عمره فوق الستين جلس يبكي زي الطفل ام زوجتي انسانة كبيرة في العمر وكسيحة وكادت ان تموت من الصدمة .
ختاما ما اقدر اقول الا ( حسبنا الله ونعم الوكيل )