عندنا فندق نجهز لعرسان .. المهم فيه عريس امس كان حاجز عندنا وبعد ما طلع من الزواج هو وزوجته جاء عندنا المهم هو رقم غرفته 102 وأول من نزل ما مر الرسبيشن وأخوه كان حاجز له وعلمه برقم الغرفة الصح بس كان مربوش.. على طول دايركت راح غرفة ثانية ماهي غرفته ساكن بها شخص ثاني لأن الرسيبشن مفصول عن المبنى .. المهم حصل عامل في المواقف وقال له نزل الشناط وبعد ما وضع العامل الشناط عند الغرفة الخطأ طلب العريس من العامل يروح الاستقبال يجيب له كرت الباب وبالفعل العامل بكل دلاخه راح الاستقبال وطلب كرت باب الغرفة الخطأ والموظف في الاستقبال برضو كان غلطان معهم واعطى العامل الكرت الخطأ يفكر أن صاحب الغرفة نسى الكرت أو ما فتح له.. وراح العامل اعطى العريس الكرت واول ما دخل العريس الغرفه حصل عفش وشناط والغرفة محيوسه بغى ينجلط وزوجته كانت معه بس أشوا صاحب الغرفة ما كان موجود ولا كان صارت علوم لا تحمد عقباها.. طبعا العريس متر الاسياب كلها انهبل إلى أن تداركنا الوضع وعلمناه غرفته واخذ زوجته للغرفه الصح والله يصلح ما بينهم ويهنيهم ..
المواضيع المتشابهه 
ليه بعض العرسان مفهين بعد الزواج ؟! 
العرض الشجري
