في تناقض في هالبلد مادري ادربي راسي واسوي نفسي دبشه
ولا لازم احد يوضح بخصوص الوضع اللي حاصل
وهي نقطتين
اولاً بدايتها اليوم ان كبير الشيعه مقتدى الصدر حق العراق جاي للسعودية ومستقبلينة بالمطار
واللي استقبله ثامر السبهان وزير الدولة للشؤون الخليج العربي !!!
انا انصدمت
لكن انا اللي سمعته انه العلاقه تبي تتحسن بين الشيعه والسنه وان هذا ليس من صالح ايران
طيب هذا ماهب قبل فترة هدد السعودية ومادري وش قال وتكلم عن زيارة ترامب للسعودية انها فاشلة
وخاصه انه له فوق 10 سنين ما طب السعودية
ويجي خبر انه الدعوة جايه من السعودية !!!
خوفي بكرا نفس الحال مع قطر يطيح الحطب بهذا الوضع بعد اللي سمعنا وطلع عنهم !!
نقول الموضوع سياسي ونتركه للكبار لكن خذوا الموضوع التناقض الثاني
الحين احنا مانعيننا من السفر لتايلند وكل من السالفه قبل سنوات وهي سرقه جوهرة من احد الامراء لا بارك الله من جوهرة
وبعدها قالوا ممنوع السفر لتايلند وفيها غرامه ومادري ايش
وان كان في ناس يرحون ويجون منها بخطوط ثانيه تمشي عليهم بدون غرامات
طبعاً على حسب موظف الجوازات !
يعني انت وحظك
ليست هذة القضيه القضيه يوم توفى الملك عبدالله الله يرحمه في اخبار السعودية
طلعت سفارة بالسعودية يستقبلون العزاء هناك !!!!
وبعدها يوم مسك الحكم الملك سلمان نفس الوضع يستقبلون التهنئه هناك !!! كيييييف
وخذلك بعد هذة قبل فترة الملك يرسل برقيه تهنئة لرئيس تايلند !!!!
وخذ الاخيرة اللي مادري كيف ابلعها اللي خلتني اشك ان المنع لناس عن ناس
وهي في الشرقية بالخبر عندنا بالصدفة شفت وتوني اشوفها في احد الشوارع مكتب في احد العماير مكتوب عليها
الخطوط الجوية التايلنديه !!!!!!!!!!!!!!!!!!!!!
يا عالم احد يرقع للوضع ولا يوضح كيف كذا !!!
اتركونا من موضوعي الشيعي اللي جاء ابي موضوع التايلنديه كيف ابلعه !!!
المواضيع المتشابهه 
يا عالم وش هالتناقض في بلادنا .! تشوفون اللي اشوفه .! 
العرض الشجري
