هذا الموضوع أطرح فيه نصائح من باب تجربة للمقبلين على البناء .. وهي تجربة شخصية متواضعة أتمنى أفيدكم بها ..
- أول شيء التوكل على الله.
- أمسك على العامل او المقاول فلوس .. على أساس تتحكم فيه.. إذا أعطيته فلوس شغله أول بأول أنت الخسران 100% حتى لو كان المقاول ولد عمك .. حاول دائماً تمسك فلوس عليهم على أساس اذا فيه خطأ في العمل أو شيء أو تبغاه يجي العمارة يجي وهو ما يشوف الدرب ..
- المرحلة اللي تنتهي منها لا عاد تفكر فيها أبذل جهد قبل الانتهاء منها أول ما تنتهي منها حطها ورى ظهرك لأن إذا فكرت في العمل المنتهي راح تتعب جدا وتضيع وقت على الفاضي .. خلك من البداية ذكي وقبل نهاية العمل تأكد انه سليم تماما وراضي عنه تماما للانتقال للعمل اللي بعده .. لكن اذا دققت على كل شيء منتهي بتجلس 20 سنة ولا بتخلص وبتتعب نفسيا
- إذا تبغى ترتاح عليك بالعمالة الممتازة لا تسترخص الفلوس في الشغل الممتاز لأن ممكن المبلغ البسيط اللي بتدفعه لعامل سيء بكره تدفع 10 أضعافه علشان تصلح الخطأ اللي أرتكبه ..
- يجب أن لا تنتهي من مرحلة وتصب إلا بطلوع مهندس ممتاز وتثق فيك يلف على العمل كامل وأي خطأ يجب ان تجبر المقاول والحدادين على اصلاحه قبل الصب ..
- لا تخلي العمال يزيدون ماء على الخلطة لأنها تفكك محتوى الخرسانة خاصة في الأعمدة لأنها أهم شيء في العظم بل ان هناك مادة سائلة اسمها كيميكال تلين الخرسانة ولا تفقدها خواصها ..
- الحداد وعامل البناء هم العمود الفقري في العظم يجب عليك أن تركز على عملهم وتفاصيله وتستلم ال بالقده وبالـ سم .. ويجب أيضا أن تركز على عمل الحداد في ربط الكانات والمسافات الخ..
- يجب قبل عمل حديد السقف تحضر السباك والكهربائي لوضع مخارج مروحة الشفط ومواسير السباكة ان كنت تريدها مخفيه على اساس ما تتورط بعدين ..
- اثناء شراء الابواب الخشب والالومنيوم لف أكثر من محل انا حصلت نفس الشغل ونفس البضاعه فرق حول 25 ألف بين محل والثاني ..
- أحضر المواد بنفسك ولا تعتمد على العمال ابداً في احضارها
- حاول قبل أي عملية تستشير أهلك لأن عملية التراجع بعد وضع بلاط او عمل بويه أو جدار الخ.. مكلفة جدا ومتعبه ومضيعه للوقت الجهد اللي تسويه لا عاد تتراجع عنه
- أهتم جيدا في مواد السباكة والكهرباء وخذ أفضل شيء في السوق فهي أعصاب المبنى وهي أهم شيء في المبنى لكثرة استخدامها واهميتها فلا تسترخص المواد ..
- لا تأخذ عامل عن طريق توصية من شخص أبداً .. اللي يمدح عامل ويطلعه السماء قل طيب ممتاز ابغى اشوف شغله وفصفص شغله .. وشوف له أكثر من عمارة تم عملها مسبقا وطلع اهل خبرة
- المخطط هو عنوان المنزل .. ابتعد عن المخططات القديمة والتقليدية حاول تتفنن بعقل في المخطط استغل المساحات جيدا .. اذهب لمهندسين ممتازين في المعمار .. استشر أهل الخبرة في المخطط ولا تبدأ إلا وانت مقتنع تماما ..على اساس بعدين ما تكتشف اشياء سيئة وتكسر ويمكن يقابلك عمود وتعض اصابك.. المخطط يجب أن يلبي احتياجك شوف انت وش تبغى وترتاح له
- لا تشد على العمال ولا ترخي لهم خلك وسط وحسسهم انك تتابع العمل ودقق على العمل وكل مره تروح اعطهم ملاحظات معقولة .. صدقني لو كان العامل احسن شخص في العالم ما راح يقدم لك افضل مما تقدمه أنت لنفسك يجب أن تكون لك كلمة وأن يكون لك حضورك في عمارتك حتى تطلع بنتيجة مرضية في الأخير
- دائما النقص ولا الزيادة في المواد ان لم تعدل بها .. حاول ما تسمع كلام العمال هم ما فكروا في جيبك اهم شيء ما ينقطعون عن العمل ممكن المبلط او الدهان او السباك او الكهربائي الخ.. يطلبون منك مواد فوق حاجتهم احتياطا حاول ما تطيعهم على اساس ما تتعب بعدين في ترجيع المواد الكثيره .. خلهم ياخذون فوق حاجتهم شيء بسيط وممكن تخليه عندك احتياطي وتستفيد منه بعدين
- البناء فن كرسم اللوحة فلا تبالغ في الديكورات وتخوش الدنيا على اساس تعلم الناس انك بنيت ولابد تحلل فلوسك بأسقف كثيرة التشيكلات ودهانات 10 الوان في جدار واحد الخ.. الأشياء البسيطة والفنية تدوم لك حاول ما تتحمس كثير ولا تبالغ في الديكورات ..
المواضيع المتشابهه 
نصائح للإخوان المقبلين على البناء .. 
العرض الشجري
