أحد الإخوة المصريين يشرح ديون مصر
وجدت أن هذا الموضوع مناسب جدا لنا كأفراد لقراءة الشركات التي نريد الاستثمار بها
بعض المغرضين يخوفك من ديون شركة مع أن هذه
الديون جانب إيجابي تطمح له بقية الشركات
أصلا موافقة البنوك على إقراض الشركة يدل على أنها قوية ويأملون منها خيرا
هذا الدرس مفيد أيضا لمن يريد بناء مؤسسة خاصة فيه أو مشروع تجاري أو صناعي أو زراعي
Mohamed negm
الدين العام وصل لاعلي مستوياته والحكومة الحالية اقترضت مبالغ تتجاوز ما اقترضناه طوال تاريخنا ... الجملة دى انتشرت جدا
هل هى حقيقة ولا لأ ؟!!
انا هستغل الفرصة دى عشان اشرح قصة
الديون وازاي بنحسبها
وامتي نقول
الديون وصلت لمرحلة خطر ولا لأ
وفين الخطورة بالظبط ومقدارها كام
فى 22 نقطة هتفهم الموضوع بالكامل :
1 - 99.9% من دول العالم بتستلف/بتقترض/بتستدين
2 -
الديون هى محرك وسبب واصل وجوهر اي نمو بيحصل فى الكوكب
3 - ديون اي دولة فى اي سنة هى الاعلي علي الاطلاق طول الوقت
4 -
الديون ليس لها اي معني كقيمة او كرقم ثابت وانما لازم تتحول لنسبة
5 - نظرية النسبية هنا بتظهر اهميتها وهى اساس من اسس علم الاقتصاد
6 - النسبية هنا معناها اني عشان اعرف
الديون دى كبيرة ولا قليلة خطيرة ولا آمنة ؟
لازم انسبها او اقارنها بالناتج المحلي الاجمالي
7 - الناتج المحلي الاجمالي اختصارا هو اهم مؤشر(وليس الوحيد)
لقياس مقدار قوة اقتصاد ما
ويتكون الناتج المحلي الاجمالي (GDP) من المعادلة التالية :
الاستهلاك + الانفاق الحكومي + الاستثمارات + صافي التجارة الدولية (التصدير - الاستيراد)
8 - تبسيط الفكرة بمثال افتراضي :
لو انت عندك شركة او مصنع
وانا المدير المالي للمؤسسة دى
وانت كمالك للمؤسسة سالتني ايه موقفنا المالي بخصوص
الديون ؟
مينفعش اني اقولك :
احنا ديوننا 100 الف جنيه ... واسكت
المفروض اقول التقرير بشكل علمي ومتكامل وصحيح ... كالاتي :
احنا ديوننا 100 الف جنيه ومتوقع تنمو سنويا ببنسبة 10%
وايراداتنا السنوية 500 الف جنيه ومتوقع توصل ل520 الف جنيه السنة الجاية
وانتاجنا 3000 طن ومتوقع يكون 3100 طن السنة الجاية
وال100 الف جنيه ديون دى ... استحقاقها او تاريخ سدادها ما بين سنة الي 10 سنوات
بالتقسيمة التالية :
خلال سنة لازم نسدد 50 الف جنيه
خلال 3 سنين لازم نسدد 25 الف جنيه
خلال 10 سنين لازم نسدد 25 الف جنيه
اصل الدين + معدل الفايدة = اجمالي حجم الدين
اجمالي الدين = 225 الف جنيه
دة اسمه تقرير علمي لموقف ديون الشركة
ما عدا ذلك جهل وقصر نظر واي مدير مالي هيقول غير كدة يبقة معاه اعدادية اكيد
نفس الكلام بدرجة مقاربة هنطبقة علي الدول
9 - ديون العالم بالارقام والنسب :
الدين العام العالمي = 217 تريليون دولار
الناتج العالمي الاجمالي = 67 تريليون دولار
نسبة الدين العالمي الى الناتج العالمي = 327%
الصين متوقع يوصل ديونها فى 2019 ل28 تريليون دولار بدلا من 7 تريليون دولار حاليا
*العالم غارق فى
الديون حتي اذنيه !
الدين العام ايه معناه؟
هو دين او سلف او قروض تقترضها اجهزة الموازنة العامة (الحكومة) "بالجنيه المصري او العملة المحلية" لسد عجز الموازنة
عجز الموازنة ايه معناه؟
المصاريف اكبر من الايرادات
يعني مرتبك 3000 جنيه ومصاريفك 3500 جنيه
الفارق بينهما اسمه عجز والعكس اسمه فائض
10 - ديون مصر حاليا = 3 تريليون جنيه
11 - الناتج المحلي الاجمالي لمصر = 3 تريليون جنيه
12 - اذن نسبة الدين العام الي الناتج = 100% تقريبا
13 - الحكومة تملك ودائع بالقطاع المصرفي = 400 مليار جنيه تقريبا
14 - اذن صافي نسبة الدين العام من الناتج = 85%
صافي الدين العام هو اللي يهمنا
15 - اومال ايه هو الدين الخارجي؟
هو دين او سلف او قروض تقترضها اجهزة الموازنة العامة (الحكومة) "بالعملة الصعبة" لسد عجز الموازنة وسداد الالتزامات الاجنبية علي الدولة المصرية
16 - الدين الخارجي = 70 مليار دولار تقريبا
نسبة الدين الخارجي الي الناتج = 37%
17 - الدين الخارجي مقسم لنوعين دين حكومي ودين خاص
خاص يعني قطاع خاص وجهات غير حكومية
18 - الدين الخارجي الحكومي = 27 مليار دولار
نسبة الدين الخارجي الحكومي الي الناتج = 14%
الدين الحكومي هو اللي يهمنا
19 - هل نسبة الدين العام بالعملة المحلية خطيرة ام آمنة ؟
نسبة الخطر بتكون فوق ال60% ...
اذن هى نسبة خطيرة
هل نسبة الدين الخارجي الحكومي بالعملة الصعبة خطيرة ام آمنة ؟
آمنة جدا
20 - ايه نسب الدين العام لبعض الدول المتقدمة والنامية بعملتهم المحلية ؟
اليابان = 226%
زيمبابوي = 224%
اليونان = 175%
قطر = 150%
ايطاليا = 133%
امريكا = 104%
فرنسا = 93%
بريطانيا = 89%
اسرائيل = 67%
الهند = 67%
البرازيل = 66%
تركيا = 36%
21 - ايه نسب الدين الخارجي لبعض الدول المتقدمة والنامية بالعملة الصعبة ؟
ايرلندا = 1000%
ايسلندا = 750%
بريطانيا = 385%
فرنسا = 208%
المانيا = 170%
تركيا = 44%
الهند = 24%
البرازيل = 21%
22 - ايه التغيرات اللى حصلت علي الدين العام من بداية حكم الرئيس المعزول محمد مرسي حتي الان ؟
الدين العام ارقامه كانت كالاتي فى الفترة دى :
يونيو 2012 = 1.1 تريليون جنيه
يونيو 2013 = 1.4 تريليون جنيه
يونيو 2014 = 1.7 تريليون جنيه
يونيو 2015 = 2 تريليون جنيه
يونيو 2016 = 2.5 تريليون جنيه
مارس 2017 = 3 تريليون جنيه
وبالتالي بنلاقي ان معدل نمو الدين العام شبه ثابت سنوياً
وبالتالي لو افترضنا ان حكومة محمد مرسي استمرت فى الحكم حتي الان ... كان ايه اللى هيحصل فى
الديون ؟
كانت هتوصل ل3 تريليون بردو
اي حكومة هتيجي مش هتعمل اي شيء مختلف عن الحكومة الحالية
مش هنخترع العجلة ... اي اقتصاد بيتعرض لصدمات قوية بياخد نفس الاجراءات دي
كمان بسبب الاضطرابات والفوضي
فارتفعت نسبة
الديون لفوق الزيادة الطبيعية وبقت بتزيد بمعدل أسرع من معدل نمو الناتج المحلي الإجمالي
بعد استنزاف كل احتياطاتنا وانهيار قدرة تحمل الاقتصاد ما بين 2011 مع اندلاع الثورة و2015 مع سقوط الطائرة الروسية
وكمان حكاية ان
الديون هى الاعلي فى تاريخ مصر وهى تعادل اجمالي ما اقترضته مصر طوال تاريخها ... دى عادية جدا وطبيعية وموجودة فى اي دولة
ديون امريكا السنة دى كسرت حاجز ال20 تريليون دولار
اوباما استلم السلطة بديون 8 تريليون دولار
يعني اقترض ما يعادل 12 تريليون دولار
يعني اقترض اجمالي ما اقترضته امريكا طوال تاريخها + 4 تريليون دولار زيادة
يعني
الديون الامريكية الحالية هى الاعلي فى تاريخهم فعلا
ديون تركيا الخارجية 440 مليار دولار
العدالة والتنمية استلمها مديونة ب120 مليار دولار تقريبا
يعني زادت بمقدار 320 مليار دولار
يعني اكبر من إجمالي قروض تركيا طوال تاريخها
ودي
الديون الخارجية فقط
وعادي جدا محصلش كارثة ولا حاجة. بالعكس حصل تنمية وتطور
ودة حال
الديون فى اي دولة فى العالم
طبيعي جدا ان ديون السنة دى تبقة الاعلي
وطبيعي جدا ان ديون السنة دى تبقة اكبر من اجمالي ما اقترضته هذه الدولة طوال تاريخها
وطبيعي جدا ان ديون اي دولة تنمو زيادة عن النمو الطبيعي بسبب صدمات تلقاها اقتصادها زي مصر بسبب الفوضى والاضطرابات
ودول الخليج وروسيا وفنزويلا ونيجيريا بسبب انهيار أسعار النفط ...الخ
الفارق الوحيد بين الحكومة الحالية والحكومات السابقة
انها حطت فى مستهدافاتها تخفيض الدين العام لنسبة 85%
وبالتالي تخفيض صافي الدين العام لنسبة 70% تقريبا
وأقرت - فى البيان التمهيدي فى موازنات 2015/16/17 فى الجزء الخاص بالتهديدات والمشاكل - بخطورة نسبة الدين العام الحالية وضرورة العمل علي تخفيضها عن طريق السيطرة علي عجز الموازنة عن طريق القيام باجراءات معينة لضمان عدم نمو المصروفات بشكل فادح والعمل علي رفع الايرادات بمقدار اكبر من نمو المصروفات سنويا
دى حقيقة المشاكل اللي فى موضوع
الديون وتوضيح البنود الآمنة والبنود الخطرة بشكل شامل وموضوعي
فملوش لزمة تسمع لاي هاوي معاه اعدادية لمجرد ان الكلام علي هواك
كدة انت بتساعد علي نشر الجهل والغباء واللامنطق والعته
بدلا من نشر المنهج العلمي الموضوعي حتي لو ضد افكارك السياسية
وبعد كدة نرجع نشتكي ومستغربين من مستوي الوعي والثقافة فى مجتمعنا
وبنلوم التعليم ورداءة منظومته ... الحقيقة ان العيب فينا احنا كمان بجانب التعليم
اننا بنشجع النماذج والعقول الساذجة دى انها تتكلم وتنظر وتفتي فى موضوعات هى جاهلة بيها ونروح ناخد منها المعلومة والتحليل
اللي بناءا عليه بنشكل رأينا وادراكنا ونظرتنا للامور!!
كأنك روحت لمواطن فى ادغال افريقيا لسة مدخلش كهربا فى قريته ولسة معتمدين علي صيد الحيوانات وأكل اللحمة بدون تسويتها وبيرقصو حوالين النار ومعتبرنها الاله بتاعهم
و سألته عن مدي إمكانية اختراع البشر وسيلة سفر بسرعة الضوء! وهل نقدر نعيش ع المريخ؟
اللى هو غباء منقطع النظير وجنون ومرض عقلي
معتوه بيسأل جاهل بدائي
واحنا بنصقفله وبنقوله : انت رائع قول كمان قول وسمعنا
كل دة لاننا بنوظف التخاريف دى فى اطار صراع ايديولوجي وسياسي
وبالتالي نسينا انها تخاريف او عارفين بس عاملين مش واخدين بالنا
الديون في عهد أوباما
من 8 تريليون دولار إلى 20 تريليون دولار
ديون تركيا الخارجية فقط
فترة حكم العدالة والتنمية
من 120 مليار دولار ل440 مليار دولار
بوست سابق عن
الديون العالمية بالأرقام والمصادر
https:///QwnvX1
ارتفاع قياسي لمستوى الدين العالمي إلى 217 تريليون دولار
https:///y9p4C7