احد اصدقائي بيسافر للدمام
فال لي وصلني للنقل الجماعي بالرياض بيسافر بر ويخاف من السيارات الصغيرة لانهم يسرعون ولالقى حجز طيران والقطار يخوف بعد المشاكل الاخيرة
وصلته هناك ونزلت معاه وشفت واحد يمني او سعودي
وبصراحه متعافي بقوة مافيه شي
عمره تقريباُ الاربعين لابس ثوب نص كم وقصير كاشف الرأس
يتلفت يمين وشمال بطريقة غريبة
قلت بيني وبين نفسي هذا متسول او ممكن يكون مروج اواي شي
لان نظراته تدل على انه عنده شي يعني ماتشعر انه ضعيف
ودعت زميلي وطلعت بالسيارة للمحطه غيرت الزيت وعبيت بنزين
وغسلت السيارة المهم اخذت ساعه او اكثر
مريت من جنب كنتاكي اللي مقابل حراج بن قاسم الساعه 2 ظهراً
وتغديت ولما بغيت اقوم الا الرجال ابو نص كم اللي كان في النقل الجماعي داخل
ومسوي نفسه مايتكلم شافه الكاشير الهندي قال له هاه كم ؟ 100 ؟
ابو نص كم قال آآآآه يعني اخرس
المهم الهندي جاب ميه واخذ من الرجال 100 فكه
وانا جالس وبعد ماطلع من كنتاكي الا الاخ دخل هارديز
وانا لازلت في كنتاكي وبعدها خرج وقطع الشارع ودخل الحراج
قلت والله ما اخليه وادخل هارديز وعلى الكاشير على طول
قلت اللي عندك هنا كم صرفت له ؟؟
خاف وقال لي 100 ريال
وش رايكم في استغلال هذولا الناس
ابلغ او اسكت واخاف الدعوه فيها شي اكثر من التسول وش رايكم ؟؟؟
المواضيع المتشابهه 
لو كنت مكاني تبلغ عن هذا الشخص ولا تسكت 
العرض الشجري
