اشتركت مع اوبر وصرت اطقطق فيها ، المهم اليوم الصباح قمت نشيط ، وفاااضي قلت خلني اشغل البرنامج واطلع لي قرشين ، اللي حصل انه جاني طلب من احد الفنادق الفخمة ، واذا بالراكب رجل غربي كبير في عمره ، لابس لبس الطيارين المدنيين ، الرجل يحب يسولف ويضحك وروحه حلوه
المهم مرينا بجنب مسجد واذا هم يقيمون لصلاة الجمعة ، قلت بنزل الامريكي في المطار واعرف مسجد يتأخر بمره واصلي معاهم ان شاء الله .
تفاجأت الا والامريكي يقول لي وقف وصلي مافيه مشكلة عندي متسع من الوقت ، قلت له مااقدر انت مرتبط برحلة ولازم تصل في موعدك ، قال لي وقف وقف وصلي ياصديقي ماعليك كل شيء تمام .
مع اني ماشكيت له ولاقلت شيء نهائيا ، والله العظيم هذا اللي حصل .
وقفت وصليت مع جماعة الناس اللي يصلون برى لان المسجد مزحوم ، ورجعت له ومشينا ، سألني يقول الناس اللي يصلون برى هل معناها ان المسجد مليان قلت نعم مافيه مكان داخل ، قال شيء رائع .
المواضيع المتشابهه 
هذا ماحصل لي اليوم مع الكابتن الطيار الامريكي 
العرض الشجري
