اخواني
السلام عليكم
بقولكم على سالفة صديقي الي احترت بصراحه مع مشكلته وما ادري وش الحل
ياليت تساعدوني بحل اشور عليه فيه
بالنسبة لصديقي فهو زميل دراسه ومن ايام الابتدائي والله اني اعتبره مثل الاخ واكثر
رجل طيب ومحترم وكريم وابنائه ماشاء الله قمة في الادب والدين والاخلاق
جاني ليلة امس والدمعه تكاد تنزل من عينه قلت له: سلامات يابومحمد وشفيك
وعطاني السالفه
السالفه يا الربع ان ابوه الله يرحمه متزوج على امه وحده اجنبيه(سوريه) وصارت بعدين مجنسه سعوديه بعد ماجابت ولد وبنتين
ابوه ايام حياته كان يقوله مالك شغل في عيالي حتى لو سووا ماسووا وكل ذا عشان امه الي ابوه مايحبها
يقول ابو محمد والله اني كنت اسكت ايام حياة ابوي الله يرحمه على امور الله العالم فيها
المهم يقول بعد مامات ابوي الله يرحمه صرت انا المسؤول عنهم وعن امهم واخذت منهم وكاله شرعيه عامه عشان مراجعات وما ادراك
يضيف ابو محمد ويقول: جلست مع خواتي واحاول انصحهم كل يوم بالتي هي احسن عن اللبس والاحتشام والخوف من الله وان سمعة المراه اهم شي لكن كل كلامي يقابل بالاحتقار واللامبالاة خاصة وان امهم تقول دائمآ/ ماحد له شغل في بناتي
يقول ابو محمد في يوم من الايام وانا داخل للبيت سمعة احدى اخواتي تقول لامها عن شخص رقمها وانه حلو وانه؟؟؟؟؟؟ واثناء حديثه لي قال والله يابوخالد طلعت وانا ابكي من القهر ولم انم ليالي من ها الكلام
وبعد فتره حضرت للبيت ووجدت البيت هادي ثم بادرت بالدخول الى غرفة اختي وانصدمت من هول الفاجعه فقد وجدتها تتحدث مع شخص عبر سكايبي وما دريت عن نفسي الا وانا اضربها كفوف وركلات ومن ثم صحت والدتها وهي تقول مالك شغل في بناتي ياكلب ياقذر
بعد ماضربتها جلست بالمجلس لارتاح خاصة وان لدي ضغط وسكر سمعت صوت الجرس فقمت بفتح الباب واذا بعساكر واقفين واحد منهم يقول لي: فيه بنت عندكم محشوره بالحمام واخوها حاشرها قلت لا ماعندنا ثم قال لي: انت فلان قلت نعم قال هات اثباتك وعطيته قال هي مبلغه عنك انك حاشرها بالحمام وضاربها وانك اخوها من ابوها ومعقدها ووووو
قلت يا ابن الحلال هذي مشاكل عائليه ارجوك حنا نحلها بيننا فرفض العسكري وقال ما اقدر لين ماتجي هي يقول صاحبنا ناديتها وقالت للعسكري انا ابيه ينسجن وماله شغل بخصوصياتي
وبعد لت وعجن واتصالات وافق العسكري على الذهاب بعد ان اخذ عليه تعهد من القسم بعدم التعرض لهاوبعد ان انفضحنا عند الجيران
قلت لصاحبي ابو محمد: يا اخي روح لعمانك وقلهم على كل شي
قال: عماني كلهم كبار ومخرفين وعيال عمي علاقتي معهم مهي زينه وما ابي ان انفضح معهم على عاري وشرفي
قلت له: طيب خوال اختك
قال: والله يا ابو خالد خوالها سوريين وبسوريا وش ترجي منهم؟
اخونا ابو محمد الى الان يشوف على خواته العيب واحس بعيونه الغبن والقهر
قلت له خلني افكر بالموضوع واعطيك الراي السديد
تكفون امير ساعدوني بالحل عشان اساعده
وفقكم الله وزادكم خير ونعيم
المواضيع المتشابهه 
شوركم على صديقي واخوكم في الله 
العرض الشجري
