شورو علي الله يجزاكم خير والله تعبت
لي عشر سنوات متزوج ولدي اربع اطفال لله الحمد نعمه من نعم الله التي لاتعد ولاتحصى علي والمشاكل من بداية الزواج مايمر شهر بدون مشاكل والمشكله زوجتي عنيده وانا عصبي بس مااضرب بس اتكلم واغلط احيانا والزعل احيانا على مواضيع
تافهه ويصير ايام ومرات اسبوع واثنين وانا اطلع برا البيت اتغدى واتعشى اغلب أمور الزعل على امور اأجلها لاني مشغول بدوام وتداول المهم منها احاول مااتاخر فيه واللي مو مهم ممكن ااجل وتحصل مشاكل وليه وماليه انت مقصر معي وماتبيني وليه حريم العالم رجالهم مو مقصرين تعبت من كثر المشاكل والله
اخر مشكله كانت تطلب مني اشتري فرشه ومساند للصاله من قطه جمعيه بتجيها وانا اقولها بعدين كلميني وااجل الموضوع وانا قلت لها ماصار لهم سنتين غسلي الفرشه وترجع نظيفه وصارت مشكله وقامت تبكي وتقول انت مهملني وراح اخليك تندم وتصارخ تقول انت ماتبيني وطلعت من البيت ومارجعت الا الفجر وعلى هالحال لي خمس ايام
ملييييييييييييييت من المشاكل ومن زوجتي اللي ماتفهم على امور صغيره تتضايق وتنرفزني وتعبت والله ومدري وش اسوي هل اتزوج علما بانها سبققلت لها راح اتزوج اذا ماتعدلتي وقالت والله مااجلس دقيقه عندك وانا والله مافيه ببالبي الا عيالي الله يحفظهم ويصلحهم
يارب تكتب الخيره واللي فيه خير يارحمان يارحيم
ارجو منكم نصيحتي ماذا افعل يااخوان لاني تعبت من التفكير وتهت مدري وش اسوي بس امانه كونو صادقين وحطو نفسكم مكاني وجزاكم الله خير
المواضيع المتشابهه 
داخل على الله ثم عليكم شورو علي ضاقت فيني الوسيعه 
العرض الشجري
