يا اهل الخبرة احتاج استشارتكم وش اقول لرئيسي بالعمل
 

السلام عليكم

اخواني انا موظف بشركة المهم الاسبوع الماضي كنت اشتغل بقسم وسحبني رئيسي قالي ان مدير ادارتنا عيني بقسم معين الى نهاية السنة عشان شغله معينه و ان عندهم شغل كثير و و و محتاجينك و اذا عنددك اجازه حطها باخر السنة وتراك بتباشر دوام معهم من الاحد الجاي .. قلت له اوك ابشر ولا يهمك.

الغبنة مو هنا الغبنة ان جتني فرصة ابتعاث برى السعودية لمدة ٣ شهور لغة و ودي فيها مررره.. ولازم اعطيهم رد خلال الاثنين.. مدري وش اقول لرئيسي صراحة
او وش رايكم اقوله عن الفرصة هذي واني ودي فيها ومن هالكلام والا اضغط عليه
والا شينه انهم توهم حاطيني بمكان جديد و اسحب وشكل عندهم نقص ..

والله محتار شوروا علي الله لايهينكم