المهم يالغالين انا من الناس اللي مقدم على الصندوق من عشر سنوات وماسك سرى للحين .
مالكم بالطويلة يوم الخميس الماضي 15-07-1438هـ مريت فرع صندوقالتنمية العقاري بالدوادمي دخلت على الموظف وسألته عن رقمي طق اسمي بالجهاز وقال رقمك كذا وكذا قلت طيب يشملني القرضالمدعوم قال ايه يشملك قلت كيف الطريقة قال راتبك ينزل على اي بنك قلت بنك الرياض قال رح قدم عليهم وتفاهم معهم .
قلت طيب وانتم وش دوركم قال حنا دورنا نزودهم بالإسم هل مقدم على الصندوق أو لا قلت طيب والفوائد والأقساط وو ... الخ قال مالنا دخل فيها حنا زي ماتقول واسطة لكم عندهم تاخذون قرض عقاري وشوية استثناءات قلت يعني قرض عقاري عادي قال إيه قلت والكلام اللي بالموقع والدعم والنسبة الثابته وغيره من اللي موجود بالإعلام قال ماجانا شيء رسمي للحين تبي رح لبنكك اللي عليه راتبك وقدم عليه وشف يقبلونك أو لااا .
رحت لبنك الرياض قالوا أول شي تختار منتج بناء أرض أو شراء عقار بعدين تجيب أوراقك من رخصة بناء وصك الأرض عشان الرهن وغيرها من الأوراق بعدين تدفع قيمة تقييم العقار ونرفعها للإدارة وتنتظر الموافقه النهائية .
قلت طيب باخذ قرض 500 ألف ريال على 25 سنة كيف راح تكون النسبة مع القرض المدعوم من الصندوق .
طقطق بالجهاز شوي وقال خذ التفاصيل :
سعر العقار 500 ألف
دفعه أولى 53 ألف ريال
القسط 3150 ريال
مجموع القرض مع الأرباح 895 ألف ريال بدون الدفعه الأولى .
قلت طيب والقرض المدعوم ونسبة الدعم ومن هالكلام قال ماجانا شيء رسمي من الإدارة للحين وكل اللي نسمعه قرض 500 ألف يسدد 850 ألف يعني فائدة 350 ألف ومافيه أي تفاصيل ثانية .
هذا الكلام اللي حصل معي شخصياً يوم الخميس الماضي مع مكتب الصندوق العقاري و وبنك الرياض بالدوادمي .
السالفه كلها اعلام وكذب بكذب مافيه اتفاقيات او دعم او غيره والحاسبة اللي بالموقع مجرد كذب وماهي صحيحه وقبل اسبوع كان فيه خانة الدفعه الأولى واليوم اختفت وتخبط بالتفاصيل مره تزود مره تنقص .
المواضيع المتشابهه 
ملخص القرض المدعوم حسب كلام صندوق التنمية العقارية بعد زيارتهم 
العرض الشجري
