|
الاجانب يتزوجون ويتكاثرون بكثرة في السعودية .! السلام عليكم ورحمه الله وبركاته ملاحظ ان بالسعودية الاجانب من عرب وشرق اسيويين يتزوجون ويتكاثرون بكثرة عندنا عكس لو انهم في دول خليجيه اخرى او في بلدانهم تشوف عندهم بزر ولا اثنين هنا ماشاءالله بنات اجانب سوريات واردنيات ومصريات وفلبينيات وهنديات اعمارهم صغيرة جداً تحت 25 سنة وتشوفهم بالاسواق معها ثلاث اطفال ووحدة شفتها معها ثلاث اطفال بعربية وحدة !!! وزوجها حاضن طفل اخر يعني اربعه وزوجها ما يتعدى عمره 30 سنه وفي المستشفيات هنديات حوامل واللي حامل بتوم ولا الفلبينيه اللي جايه مع بزرانها ولا تجيك المصريه وبطنها مترين قدام والسوريه مع عيالها عند الصيدليه وعيالهم يلاحقونهم بالمستشفى حسيت انها مدينة ترفيهيه للاطفال بكثرتهم والسعودي ما ينشاف هو وزوجته الا نادر من بين 10 اشوف عائلة سعودية وحدة بصراحه ما ابالغ جد الوضع الحالي صعب لاني اشوف اللي يتزوجون من الاجانب بالداخل اكثر من السعوديين والسعوديات بشكل واضح أي اقول بنسبه تقريباً من 60% الى 70% يتزوجون الاجانب هنا اكثر من السعوديين حتى شفت بعض من كبار السن من الرجال اللي معنا بالعمل غير متزوجين وخاصه من فوق 35 سنه وايضاً بنات معي بالعمل اعمارهم فوق 25 سنة وتوها عزباء حتى في كم وحدة فوق 30 وتوها ما تزوجت !! شي يضيق الصدر والله لمستقبل شباب وشابات هالبلد لا يجي واحد وينقز ويقول مشكله في المهور وترك الاساسيات من سكن ورواتب ضعيفة ومعيشه غاليه وزيادة في الكهربا وماء وبنزين وعطاله قبلها وحط حرته ببنت الناس في مهرها اللي تتزين له واللي المفروض ما يتعدى 50 الف دور غيرها اذا انت تلعب بفلوسك طول السنة ولا تجمع للمستقبل واللي انت وغيرك قادر في تجميع المبلغ خلال فترة اذا انت موظف المصدر: هوامير البورصة السعودية - من قسم: منتدى ساحات الهوامير المفتوحة |
| الساعة الآن 06:28 AM بتوقيت مسقط |
Powered by vBulletin® Copyright ©2000 - 2025, Jelsoft Enterprises Ltd.
Search Engine Optimization by vBSEO 3.6.0 Designed & TranZ By
Almuhajir