تناقشت مع صديق لي بمثابة أخ يشكو من زوجته وعقليتها وأنها أتعبته رغم إكرامها لها ولأبنائه
وبالفعل الرجل أعرفه جيدآ أجودي ولكن عقليات الحريم مع الأسف قاصره إلا ماندر .. ما أثار حزنه وغبنته أنها شوهت سمعته عند أهلها أنه بخيل وسبحان الله الرجل على العكس تماما بل كريم وأجودي في ضيافته وفي ملبسه وسيارته والكريم بطبعه لايحب أن يوصف بهذه الصفه القبيحه ومثل مايقولون مايعيبه الرجال إلاجيبه
يقول أمشي أسرتي كل مكان وأكرمهم وأطلعهم أفخم المطاعم وأدرس عيالي في مدارس خاصه لكن بطبيعتي لا احب التبذير أومضيعة المال حتى ولوكان مبلغ تافه جدآ , مثال يقول لا احب أشتري بيبسي بسته ريال من مطعم وفيه جنبه بقاله تبيعه بريال ونصف
على سبيل المثال من التصرفات اللي أظهرته وكأنه بخيل يقول مثلآ الفاين ما أشتري إلا أغلى نوع إللي هو (كلينكس) وبطبيعتي ما أحب أشتري إلا الشي الجيد لكن أحب التعامل معه بتدبير وشكل سليم والمنظفات ديتول وفي الأكل أجود شي وقس على ذلك..يقول أطفالي مع الأسف على سبيل المثال كل ماغسل واحد يده جاء وغث نص العلبه عشان يجفف يديه وكراتين ودرزن الفاين مايقع حتى إسبوع وإذا وبخت أولادي وقلت يا إبني حبتين ثلاث تكفي أو رح غرفتك وجفف يديك بالمنشفه وأترك الفاين هذا لمسح الأنف مثلآ أجلكم الله لانه ناعم على البشره ولايؤذي الأنف , يقول تقوم تنقز وتقول ترا الفاين بريالين !! يقول بإمكاني أجيب أردى أنواع الفاين لكن ما أحب البضاعه الرديئه في بيتي , وحتى في مشتراي خصوصآ من المحلات اللي فيها مكاسر بخلاف المحلات اللي أسعارها ثابته بطبيعتي ما أحب ينضحك علي من البائع وأفاصله مفاصله مؤدبه ماتوصل إني أنشف ريقه , يقول والله مش مسألة بخل ولكن أفضل أني أتصدق المبلغ على فقير ولا أني يروح في غير محله وبالفعل الرجل أعرفه ماشاء الله يتصدق بالآلاف , حتى زوجته نفسها تقوله الغريب أنك تتصدق على المساكين بمبالغ كبيره وتدقق في مبالغ بسيطه
زبدة هرجه يقول هل المشكله في طريقة تعاملي أما ماذا ؟
وبالفعل يا إخوان وش رايكم
أعطونا أمثله على تصرفات يعتبر فاعلها بخيل أو يعتبر فاعلها إنسان حريص ولايحب التبذير ولوكان يملك المليارات
المواضيع المتشابهه 
كيف تفرق من وجهة نظرك بين الشخص البخيل أو الشخص الحريص الذي لايحب التبذير 
العرض الشجري
