لكن وجدت انسب حل لي في الحياه رغم ثقله علي هو الزواج من ثانيه
طبعاً الطريقه الوحيده لي لاحظ الوحيده هم الأخوات والوالده الله يسامحهم .
عرضت عليهم الموضوع ورفضوا رفض قاطع بعدها قمت اسأل لكن اغلب اللي سألتهم ما عندهم شي بعدها حصلت واحد وصفني بيت واحد من جماعتنا وقال روح له يوم كذا بعد العشاء وبالفعل رحت وقالوا خير ان شاء الله وذاك اليوم حسيت بفرحه رغم الصعوبات اللي بواجهها
بعدها بيومين ارتكبت غلطه فادحه ما قدرت اسكت علمت الوالده واخواتي وبعدها اتصل علي ابو البنت وقال مالك نصيب عندنا
انا واثق ان والدتي الله يسامحها لها يد في رفضهم ، المهم ما ادري بعدها وش صار كل ما قالوا لي فلان عنده بنات مو متزوجات واروح لهم ما يوافقون احس ان فيه تشويه سمعه من الاهل الله يسامحهم وبعضهم يبون واحد مو متزوج وعنده اطفال وفيه ناس تقدمت لهم قالوا تشتري لها بيت وتكتبه بأسمها ، اخر شي استسلمت للأمر الواقع
اعتقد اللي يقول عندنا عنوسه مو صحيح لأن النساء اغلبهم هم اللي يرفضون ، يبون واحد مو متزوج او مطلق وما عنده اطفال او ملياردير كاش ، غير كذا ما يبون هذي الحقيقه
المواضيع المتشابهه 
كل محاولاتي لزواج من ثانية لم يكتب لها النجاح ( الله اعلم يمكن في الأمر خيره ) 
العرض الشجري
