منتديات شمس الحب - عشرة سنين طويله روحت في ظرف ساعه

عشرة سنين طويله روحت في ظرف ساعه
يــ خساره عشرتي ضاعت مع راعي الرديه

ويش عذرك يوم ضيعت الوصيه والوداعه
الله اكبركيف نفسك صارت لظلمي جريئه

باع ودي ياهل الفزعات والناموس باعه
باعني متل الردي الي نوى بيعة خويه

ماقويت اقاوم دموعي ولا عندي مناعه
صارت دموعي على خدي مثل وبل الرفيه

ويش اسوي بالعشير الي خذلني ياجماعه
ذلني من عقب مامديت له كفي النديه

اندفعت وليتني رديت قلبي واندفاعه
كان ماشفت المهونه والتمادي والخطيه

مثّل الدور الدرامي واجتهد فيه ببراعه
انتج الفيلم الخرافي واعلن اسم المسرحيه

ضاق في عيني فضاها عقب كبره واتساعه
وانكتب لي جرح ثاني قابل الحسنه بسيه

مااشتكي للناس لله رأس مالي القناعه
اشتكي لله رب الكون خلاق البريه

مابقالي في حياتي غير صبري والشجاعه
اصبر لما صار وعزومي بعون الله قويه
’’
راقت لي حيل,,