انا ملاحظ مشرفين المنتدى يبالغون في حذف المواضيع واغلاقها
وخاصه مواضيع فيها مطالبه برفع الرواتب او مواضيع شكوى فلان لوزارة
او طلب علاج او حاله سيئه تشوفها في بلدك وتريد اصلاحها
مباشرة تجيهم ام الركب المشرفين ويخفون المواضيع وفوق كذا يعاقبون صاحب الموضوع
وانا بعد غسلت يدي منهم من بعد تسترهم وتكذيب راتب ولد الوزير وقتها
اذكر وقتها يقولون فوتوشوب وغير صحيح كان حاله استنفار عندهم
وجلسوا يومها مرابطين بالمنتدى من الفجر يوم انتشر الخبر ما غير يحذفون ويعاقبون اصحاب المواضيع
مادري هو تستر للفاسدين بالبلد ولا وش هدفهم ؟
هل هم منهم وفيهم فاسدين بالبلد ولا يريدون كشف الفاسدين او تصحيح في القصور في الوزارات ام ماذا
شي غريب بصراحه والله اشك انه نفاق علني قدامنا ومن خلفنا واحد اخر
اجل كيف المواطن يتوظف ويعيش ويطالب بحقه وفي ناس تمنعه ان يوصل كلامه للمسؤلين
ما اقول الا شكراً لصاحب تـويتر ( الامريكي ) اللي ترك لنا الباب لايصال صوتنا للمسؤولين ونفع ذالك
اما ربعنا اللي هنا يبون الحال على ما هو عليه
وودهم فقط يشغلون الاعضاء بمواضيع مصر وتركيا اللي مالنا فيهم
المواضيع المتشابهه 
ليش المنتدى يقفل اي موضوع فيه شكوى لوزارة او شكوى خاصه او طلب علاج او عمل .! 
العرض الشجري
