في يوم الأربعاء الماضي من شهر جمادى الثاني الموافق كذا كذا هجري , والموافق لـ كذا كذا ميلادي
مدري وش جاب طاري مستشفى عرقه وانه مسكون وانه مهجور من مدري كم سنة
وقلنا وراه ما نروح ونشوف وش سالفته , وصلنا هناك تقريبا الساعه وحده بالليل
لقينا مبنى كبير مافيه ولا لمبة منوره الا بعض الغرف , كنا خمس اشخاص دخلنا ثلاثه واثنين قالوا والله مانطبها معكم , انا وصحن حمص - وفي رواية اخرى ولد
اللولو - ونفر ثاني .
وبعد بحث مطول عن هالمستشفى اتضح لي انه مبني من عام 1400 هـ تقريبا من
عهد الملك خالد , والحين مهجور له 30 سنه , يقال انه كان مستشفى خاص للصحه النفسيه
وانه كان تابع للجامعة الملك سعود وبعدها تنازلت - انتي يا جامعه الملك سعود -
عنه لوزراة الصحه ووزاره الصحه تنازلت عنه لوزارة الداخليه حاليا , وفيه سكن
الأطباء والممرضين جنب المستشفى وهذا سكنوا فيه الكويتين ايام غزوا العراق
ويقال برضوه انه مسكون - وهذا هو الخطه القادمه ما امدانا ندخله المره ذي -
والعلم عند الله
.
.
.
طبعا دخلنا للمستشفى عن طريق بوابة جانبية مكسوره ودخلنا لداخل المستشفى من
دريشة كبيره مكسوره مدري بوابة قزاز , الغريب صدق ان المستشفى للحين فيه
اجهزته ومعداته , والمستشفى فخم لأبعد درجه يعني تشوف الأجهزة والمداخل
والمخارج تستغرب ان هذا مبني عام 1400 ! , يعني صدق كان سابق عصره
بمراحل , طبعا ماشفنا اللي يقولون مسكون ومدري ايش , بس اللهم فيه صوت يطلع
من غرفة العمليات صوت زي التصفير , يمكن يكون باين - انت يا الصوت -
بالمقطع الأول . << توه مسولف مع عجيز لاتشرهون
مالكم بالطويله , انطلزوا للصور والفيديـو
واعذروني ماصورت واجد , لأني ماقدرت اصور الا الغرف المنوره
ولا الباقي يالله اشوف ايدي فاضين لكم اصور بعد <<
هالصوره من غرفة الحاسب الآلي حقهم
يالله دخلوا الرقم السري حق لوست عشان يبدا العد التنازلي من جديد عشان ماتجينا الهزة الأرضيه
شوفوا ضخامه الأجهزة , تحسونها شئ قوي , وتذكروا انها من عام 1400
يعني صدق شئ يذهل << صورة مع يذهل
مدري وشو
مدري وشو بعد بس يمكن حق تسجيل مكالمات او هيك شئ
نو كومنت
لكن شكله من اثار الأذرس
مافيه احد منكم عمره اكثر من ثلاثين ؟ - عشان بس ماتوضح الفقشه -
هذا يقولكم ياطويلين العمر , قبل 30 سنه كانوا يسمون كبار الشخصيات كنار الشخصيات
لكن طبعا مع عوامل التكيف والتعريه تحولت من كنار لكبار
أحد الأسياب
عشان تصدقونـ(ـن) بس ان بعض الاجزاء منوره بس
اشونها مستودع اجهزه يلعبون علينا
هالغرفه داخلها كراااتييين hp وااجده الى السقف اجهزة جدييييده
ماقدرت اصور لان داخل الغرفه مظلم مره
احد غرف العمليات , باللهي ماتشبه غرف مستشفيات الأذرس
قايلكم لووست لوووست
جهاز بغرفة العمليات , شكله حق الاكسجين وتخطيط القلب والحاجات هذي
غرفة عمليات ثانية , شكلها حقت استنساخ على كثر الأجهزة اللي فيها
بسم الله علينا الرحمن الرحيم
نصابين رحنا لمكانهم ولا لقينا شئ
مخطط الدور الأرضي للمستشفى , الغريب اننا مالقينا الا دورين , ويوم قوقلت عنه
مكتوب انه 8 ادوار , يبيلنا روحه ثانية نشوف الأدوار الباقيه وين راحن
نعم نعم , هذا هو شكل المرأه قبل 30 سنه
قولوا بعد اني كذاب هااه , هذي الصوره دليل واضح امامكم انا لم آتي بخزعبلات من راسي
- اهم شئ انه للحين مافيه احد اكبر من 30 سنه بينكم عشان مايفضحنا -
نجي عاد للفيديو
انا وأعوذ بالله من كلمة انا رفعت المقطعين خصيصا لكم باليوتيوب
<< يلعن ابوالذله ليته ماسوا لنا موضوع عشان يذلنا كل هالذله
المقطع الأول
المقطع الثاني
هذا ما كان في جعبتي - في جعبتي حكاااايااا في جعبتي حكاااايااا ارووويها للأطفااال -
ايه اقولكم هذا اللي كان عندي وهذي هي صورنا وتمشيتنا الحلوه
لنا لقاء معكم مع مكان مهجور اخر , ومع استكشافات اخرى
المواضيع المتشابهه 
قصص مستشفى عرقه,فيديو الجن في عرقه,يوتيوب جن,قصص جن حقيقية في مستشفى,مقاطع يوتيوب جن,جن مستشفى عرقه 
العرض الشجري
