رفرف خفوقي رفة الطير مذبوح
مذبوح لاكنه تعذب ولا ارتاح
حين اذكرك يدعيني الشوق وانوح
ويفوح دمعي كنه الموج لا فاح
ابحرت في حبك وغنيت مبحوح
تصفقني الامواج والبرق لواح
بحرك غدابي هايم فيه مطروح
غارق واصيح صياح مطعون الارماح
اقفيت ياخلي وأنا منك مجروح
طايح كما الضامي عطش صاح ما صاح
يابنت أنا مالي من البعد مصلوح
كانك تبي قربي ترى الشوق لفاح
يا اللي عليك القلب نازف ومنزوح
ازريت اداوي الجرح والعشق ذباح
قلي علامك تجرح القلب وتروح
تايه وأنا من بعد فرقاك سواح
تكاثفت هموم قلبي كما الدوح
اضحك وقلبي من عنا الوقت نواح
يلومني الجاهل وانا اقول مسموح
سالي منامه ماعرف هم وجراح
طال السهر والدمع طافح ومسفوح
والحزن يطويني وعهدي بالافراح
وقتي عذاب وحالي اليوم مليوح
واصبر كما الصوان في وجه الارياح
ومصقول حبك داخل القلب والروح
ومشيد لو هبته ريح مازاح
تستطيع المشاركة هنا والرد على الموضوع ومشاركة رأيك عبر حسابك في الفيس بوك
h]og, g, slpj,h
ادخلو لو سمحتوا 
العرض الشجري
