بصراحة في هالموضوع ارغب بطرح وجهة نظري واتمنى ما اجد ردود مسيئة اللي يتقبل او مايتقبل ويناقش بأدب اهلا وسهلا
اشوف الكثير يبالغ في بناء بيته اقصد الغرف والمساحات
يعني رجال وحرمته وعندهم ولدين الله يحفظهم وتلقاه باني بيت كبير الله يبارك له ولكن اشوف التوزيع غلط
مجلس رجال + غرفة طعام رجال + دورة مياه
مجلس حريم + غرفة طعام حريم +دورة مياة
صالة
غرفة طعام لأهل البيت
غرفة ضيوف للي يجي عشان ينام فيها او بعضهم يقول لاجاو امي وابوي والنعم وبيض الله وجهك ماقصرت هذه وضعها طيب
مطبخين واحد داخلي + واحد خارجي
وتلقاه بالتهوية مسوي بيت شعر كبير من كبره يشيل نص الحي
ياخي هل انت بحاجة لهذا الكبر والتوزيع ؟
هل انت راعي مواجيب وعزايم ؟ والله ان بعض الناس محد يطب بيته وكل عزايمه باستراحات ومطاعم ؟ طيب وشوله هالمجالس وهالأثاث ؟
انا اقتراح ياطويل العمر بدل ماتسوي كل هالزحمة
سول لك بويت صغير والباقي خله على شقتين حق عيالك
يعني توسع صدرك في بيت ملك وحلو وفوقها تضمن لعيالك حلال وسكن دام الله منعم معليك
المواضيع المتشابهه 
احس نحتاج نغير بعض الثقافات في بناء المنازل ؟ 
العرض الشجري
