بعد هذا الركود في السوق والتقشف وضعف القوة الشرائية و رسوم البلدية وتعقيدات فتح محل .. حتى لو كان صغير ..
لي فترة افكر في الاستثمار الخارجي .. يعني الواحد يفتح له مشروع في اي بلد ثاني .. يفتح له محل أو مطعم أو يستأجر له فندق أو يستثمر في العقار .. الخ
وكثير اللي استشرتهم ..
مثلا .. واحد قال لي .. الاستثمار في ماليزيا ممممممتاز ما فيه اي تعقيدات وحقك مضمون .. وقال لي تقدر تستثمر قروشك في اي شركة بينك وبينهم عقد .. وانت جالس في السعودية وحقك يوصلك وانت مرتاح .. او تجي بنفسك ما ليزيا تسويلك اي مشروع ..
و واحد قال لي .. يعرف شاب حضرمي فقيييييير مررررره .. سافر الهند يدرس لغة انجليزية على حساب اهل الخير .. يقولك اتسلف مبلغ من واحد من جماعته وهناك اشتراله دباب .. صار يأجره للطلاب .. بعد فتره جمع قروش واشتراله دباب ثاني .. صار يجمع يجمع في القروش ويشتري دبابات .. اليييين استأجر عمارة وقلبها فندق للطلاب .. يحلف صاحبي يقول الآن .. عنده فندق حقه ومعهد لتعليم اللغة الانجليزية وصااااار يلعب بالفلوس لعب ..
واخيرا لما كنت في اندونيسيا .. واحد اندونيسي من اصل حضرمي .. قال لي اعطيني مية الف ريال سعودي .. وانا استثمرها لك هنا في العقار .. ابني بيت وابيع .. ربحك كحد ادنى 25 الف .. واقصى 40 الف .. المشكلة ما عندي هذا المبلغ :hawamer1512 ..
على العموم يا جماعة الخير .. اللي له تجربه في الاستثمار الخارجي يسدحها لنا هنا .. ليستفيد المسلمين منها وله الاجر في الدنيا والاخره باذن الله .. ~
المواضيع المتشابهه 
الاستثمار هنا صار شبه صعب .. وش رايكم في الاستثمار الخارجي 
العرض الشجري
