حصل لي حادث والخطا كان على الطرف الآخر ميه بالميه وسويت أوراق التسعيره
وكل شي ورفعت المطالبة لشركة التامين عن طريق نجم وجلست انتظر التعويض وهو 21 يوم من رفع المطالبه والله انتظرت 4 شهور قدمت شكوى الكترونية وانتظرت 15 يوم ولاصار شي
وصعدت الشكوى للجنه في مؤسسة النقد ورحت شخصيا لهم واخذت موعد وبعد يومين اتصلوا علي الشركة وقالو شيكك جاهز روح استلمه
المهم قلت لهم اوكي بس ترا ال4 شهور والله ان تدفعون عليها لو تموتون قالو حقك بس روح استلم شيكك
رحت لفرع نجم ووقعت اني استلمت الشيك وانتظرت موعد الجلسه
قبل شوي كانت جلستي بالرياض واتصل علي وكيلي وقال محامي الشركة حضر ومعه ورقة مخالصه موقعه منك وصورة بطاقتك يقول لي امام اللجنة ان موكلك موقع هالمخالصه ومايبي مننا شي
وقامت اللجنه وأغلقت القضيه ووكيلي طلب منهم موعد لجلسة أخرى عشان احضر بنفسي ورفضوا
وانا والله ماوقعت مخالصه او شي ابدا ابدا
الحين افكر اشتكي على اللجنه نفسها عند ديوان المظالم بس ابغى الطريقه كيف
والله ظلم وغبن الحكومه تجبرنا على التامين، ولا تجبر التامين على دفع التعويض للمتضررين
الشركة الخبيثه اسمها uac المتحدة للتامين التعاوني
واللخ ماخلييييييييييييييهم والله بس تكفون وجهوني
المواضيع المتشابهه 
لجنة الفصل في المنازعات التأمينية لم تنصفني وتم اغلاق القضية 
العرض الشجري
