 منذ /09-21-2016, 08:08 PM
|
#1 |
| رقم العضوية : 249 | | تاريخ التسجيل : 4 - 4 - 2008 | | المشاركات : 216,906 | | الحكمة المفضلة : Belgium | | SMS : | |  ++++الوطن ياهل الوطن لاترخصونه +++ لاتحسبون الوطن يلقى بداله++++
الوطن ياهل الوطن لاترخصونه
لاتحسبون الوطن يلقى بداله
كل منهو مايحطه في عيونه
والله انه فيه نوع من جهاله
من يسلم لحيته للي يبونه
يستحق اللي يجيه وماجراله
الفتن واهل الفتن لايهدمونه
اهل الاطماع وفلول الضلاله
خص منهي مثل دولتنا المصونه
مهبط الوحي المقدس والرساله
الملك من دونها والشعب دونه
وكل رجل بالولا يوصي عياله
صفنا من دونها مايدخلونه
ولايزعزع صفنا شلة حثاله
وهيه ياللي طبعنا ماتعرفونه
من عطاكم باسمنا عنا وكاله
تحسبون الشعب دمى تحركونه
وتحسبون ان من بغى له شي ناله
الولا عهد علينا مانخونه
وافين بالعهد حتى الثماله
دورو غير السعودي تقنعونه
السعودي تو من يومين قاله
مايبي منكم تدخل وسط شونه
ولايبي فزعه من اصحاب العماله
لعبكم مكشوف لو ماتكشفونه
لو تغطونه من انواع الحياله
مايطيع عداه فاللي ينشدونه
لو رغبتو كسب وده واستماله
التلاحم بيننا ماتضعفونه
من جنوب الدار لين اقصى شماله
ومن بحرها للبحر ماترهبونه
تحت ظل اللي مظللنا ظلاله
ذي مشاعر شعب مايرضى المهونه
ولايبي حكم سوى حكم العداله
اهداء
من اخوكم /عقاب صقر المطيري
بمناسبة اليوم الوطني لمملكتي الحبيبه
تستطيع المشاركة هنا والرد على الموضوع ومشاركة رأيك عبر حسابك في الفيس بوك
++++hg,'k dhig hg,'k ghjvow,ki +++ ghjpsf,k dgrn f]hgi++++
|
|
|  |
المواضيع المتشابهه 
العرض الشجري
