شفت هذا الموضوع وشفت رد لرجل يقول هذا من التخبيب على الزوج وله وعيد باللعن
طيب واذا جاء موضوع مشكلة زوجين في رايكم وش تقولون للي يقول جمدها لاتعلمها كم راتبك لاتعطيها وجه لاتدلعها لاتسفرها لاتجيب لها شغاله اعرس عليها اصقع الحرمه بحرمه احقرها احذفها زي الكلب في بيت ابوها العن جدف الخبيثه احرمها من عيالها سحبهم بالمحاكم اسحب منهم فلوسك ومهرك وخسايرك !!! ماشفت احد يقول لاتخبب واتق الله ياسبحان الله صارت الحرمه بس الي تخبب
الموضوع واقعي والي يهاجم ويطلب حذفه هذا فيه بلاء وانقرص
نترككم مع الموضوع
3من الخاص ✉ ......
ابتكلم عن موضوع لكن
مدري انا لحالي الي ملاحظه هالشي ولااحد ملاحظ معي
بما اني حرمه وعايشه بوسط حريم الاحظ
كثير حريم كل تفكيرها زوجها
يعني كل سواليفها عن زوجها زوجي سوا زوجي حط زوجي معصب زوجي وزوجي يعني بصراحه اعرف كل شي عن رجالهم حتى الاكل الي يحبونه وحتى اسامي اصدقائهم وحتى مقاس سروايلهم وكل شي يعني عندي برنت كااامل عن زوجها
غير كذا تقول بنحف علشان زوجي
بسمن علشان زوجي
بقرا واتثقف علشان زوجي
ابصبغ علشان زوجي
ابقطع علاقتي بفلانه علشان زوجي
بروح لناس هذولي اسلم عليهم علشان زوجي
ابتعلم هالهوايه علشان زوجي
كل حياتها زوجها ماتفكر بنفسها ابد
انا مانتقد هالشي واقول لا لاتفكر فيه ابد ولاتهتم فيه
اوكي اهتمي فيه تزيني له بس لايصير هو مسيطر على حياتك الى درجة ان كل سوالفك عنه
يعني انا نفسي اتضايق من الحرمه الي كذا احس ظالمه نفسها ماتهتم هي ايش يرضيها من جوا اهم شي ترضي زوجها ولو انها مو مقتنعه بالي تسويه
والشي الثاني انا ماشوف فيه فايده تتكلم عن زوجها عند الحريم يعني هذي حياتك الخاصه ليش تخلين الناس يشاركونك
حلو تكون علاقتك بزوجك غامضه ولااحد يدري عنها
لان الناس ان درو عن علاقتك بزوجك وكنتي مبسوطه حسدوك وان كنت مو مبسوطه تشمتو فيك
الخلاصه من كلامي كله ليش بعض الحريم تتكلم عن زوجها قدام الحريم وبعضهم الله يصلحهم يتكلمون حتى عن الامور الخاصه جدا والي مايجوز تطلع
ليش اغلب الحريم ان تزوجو نسو انفسهم ويفكرون بس وشلون يرضون ازواجهم ينسون هواياتهم وافكارهم وشخصياته ويصير ارضاء الزوج ينسيها حتى نفسها
القصد من كلامي اني مامنع المراه تهتم بزوجها وتحاول ترضيه وهذا شي كويس وحلو واشجع عليه بس مو لدرجة انو يلغي شخصيتها تصير تسوي اشياء ماتبيها علشان يرضى هالزوج..يعني ارضاء الناس غايه لاتدرك لازم تكون مقتنعه انو لازم بيكون فيها اشياء مايحبها وهذا مو شي عيب
المواضيع المتشابهه 
هـل هـــذا المـــوضـــوع مـــن مـــواضيـــع التـــخبيب عـــلى الـــزوج ؟ 
العرض الشجري
