عشان محد يجي متحمس مالي فالعقار وأملك ولله الحمد

لكن قريت عن بوابة الشرق وعجبتني فكرته جدا
الحق ينقال الدولة ممثله بوزارة الاسكان تحاول تحل مشكلة الاسكان بكل الطرق والاساليب وجابت الضمانات الماديه والفنيه

لكن وبصراحه نص الشعب تلقاه ماخذ له قرض وقدره عشان "يكشخ" بسياره
غير القروض الاستهلاكيه وبعدها يجي ويقول الدولة لازم توفر لي سكن مساحة 500 م وياوليك لو تقول له خذ دبلكس ولا شقه

ناخذها حبه حبه - بوابة الشرق
- الـ500 الف هدفها سكن واقساطها 1600 دافعها دافعها ، حلو خلصنا من هذي
- 16 الف هذي 2.5% سعي كل المكاتب وعلى كل العقار
- بقى 130 الى 150 و أحيانا 180 الف ، تدفع على اربع سنوات بأقساط توصل لـ 2200 ،
يعني تخيل تدفع اقساط اقل من 3 الاف لمدة ثلاث الى اربع سنوات تتملك بيت جديد على مستوى مضمون "من الدولة" مع كراج وغرفة خدامه وحوش وامكانية توسعه خارجيه !!
وش تبي غيرها ولا لازم 1000 م بوسط العليا ولا الدولة تلعب علينا؟؟؟


سؤال لكل من يطامر بلا علم ، انا مستحق قرض سكني وكنت ناوي اخذ قرض شخصي واشتري سياره بقسط 1750 ريال لأني غاسل يدي من الاسكان
الان يمديني أزودها 550 ريال واخذ بيت بدال السياره ياشيخ لو انه شقه اقل شي افتك من الايجار بعد اربع سنوات

الموضوع الأصلي: مع احترامي للجميع ممكن أحد يوضح وين المشكلة في البيع على الخارطة مثل بوابة الشرق || الكاتب: لميسـ || المصدر: منتديات

المصدر: منتديات شمس الحب - من قسم: سلة المحذوفات والمواضيع المكررة